Network
GALURA -Salasahiji waditra karawitan anu dipaénkeun ditiup nyaéta tarompet. Pangna dingaranan trompet dumasar kana onomatope (ngaran anu asalna tina sora).
Dina waditra karawitan, tarompet diwangun ku palet (bagian luhur), empét (paragi niup dijieunna tina daun kawung), awak (suling) paragi notol liang sora, jeung lawong bagéan buntut.
Tarompet anu ilahar dipaké dina waditra karawitan aya dua nyaéta tarompét kendang penca jeung tarompét sisingaan. Saliwat mah siga nu sarua, babakuna dina sorana.
Kendang Penca
Tarompét kendang penca sok dipidangkeun ogé dina seni réak, réog, gembyung atawa terbang, kuda rénggong jeung ngadu domba katut seni tradisi lianna.
Lagu anu dipirig ku tarompet nyaéta lagu-lagu dina kendang penca kayaning “Paléré-dan”, “Tepak Dua”, “Tepak Tilu”, “Pandungdung”, jeung lagu-lagu ketuktilu contona “Kembang Gadung”, “Kembang Beureum”, jeung “Buah Kawung”.
Téknik niupna rada béda jeung niup suling. Téknik niup tarompét ceuk ahli tarompet Yoyon Darsono: puruluk, borolo, héas, sengau, totot, guluyur, gelik, ombak, ketrok. Anu pangalusna niup disebut pangkoléarna.
Baca Juga: Indra Budiaji, M.Pd.: Tarawangsa jeung Binih Paré
Baca Juga: Dogdog Lojor, di Tatar Sunda, keur Nganteur Nyi Pohaci ka Leuit dina Ritual Seren Taun
Baca Juga: Upacara Adat Mapag Panganten Sunda, Hasil Motekarna Budayawan Wahyu Wibisana
