GALURA.CO.ID -Kordinator Wilayah (Korwil) Bidang Pendidikan Kecamatan Sindangkasih, Kabupaten Ciamis ngagelar Pembinaan Pegawai Lingkup Gugus Sindangkasih (14/09/2023). Tempatna di SDN 3 Gunungcupu.
Ceuk Korwil Pendidkan Kecamatan Sindangkasih, Maman, S.Pd, M.Pd, miharep ka guru jeung tenaga pendidik anu aya di lingkup pendidikan Kecamatan Sindangkasih, suhud ngalaksanakan tugasna luyu jeung aturan anu geus ditangtukeun.
Maman nyebutkeun ASN jeung PPPK dina tugasna mah teu beda: ngaladenan masarakat. Guru teh tugasna ngaladenan siswa. “Tina kituna, para guru anu aya di lingkup pendidikan khususna di Kecamatan Sindangkasi sok laksanakeun tugas anu sabener-benerna,” pokna.
Baca Juga: H. Amim Meriatna Subhan: Jadi Pinunjul FTBI Kabupaten Bandung Ulah Jadi Udagan
Lian ti eta Maman miharep guru dina ngalaksanakeun kudu pinuh ku tanggungjawab jujur jeung iklas.
Materi dina ieu kagiatan di antarana ngeunaan disiplin, informasi keorganisasian, propesi jeung perencanaan anu titincakanana data, pembelajaran aktivasi, pembelajaran jeung lapor Pendidikan*** Jarkasih