GALURA -Para ahli sejarah mimiti mikawanoh jeung panasaraneun ka ngaran tokoh Pangeran Wangsakerta teh sabada naskah Carita Purwaka Caruban Nagari meunang nyusun Pangeran Arya Carbon ditranslate jeung ditarjamaahkeun ku Drs Aca.
Carita Purwaka Caruban Nagari karya Pangeran Arya Carbon ditulis taun 1720, make basa Jawa jeung make aksara Jawa, cacarakan. Ku Drs Aca, sajarawan moyan Sunda, disalin kana aksara latin, ditarjamaahkeun kana basa Indonesia.
Taun 1972 Carita Purwaka Caruban Nagari susunan Pangeran Arya Carbon hasil translate jeung tarjamaahan Drs Aca diterbitkeun jadi buku. Diterbitkeun deui taun 1981, diwuwuhan kamandang Ricklefs. Terbitan taun 1985 diwuwuhan kamandang De Graaf jeung Pigeaud.
Baca Juga: Karajaan Munggaran di Cirebon nu Ngadegkeunana Walangsungsang, Rundayan Galuh Kawali
Pangeran Arya Carbon, ngaran aslina Adiwikaya nu nyusun Carita Purwaka Caruban Nagari, seuweu bungsu Sultan Sepuh I ti Karaton Kasepuhan.
Ti taun 1706, Arya Carbon ku Kumpeni (VOC) diangkat jadi opzichter (lulugu) parabupati di Priangan.
Ceuk parasejarawan, Carita Purwaka Caruban Nagari mibanda kadar kasajarahan nu leuwih luhur ajenna mun dibandingkeun jeung babad. Kituna teh lantaran nyebutkeun sumber bahan keur nulisna.
Kalimat panutup dina Carita Purwaka Caruban Nagari nyebutkeun ieu carita disusun ku Pangeran Arya Cirebon, dumasar naskah Pustaka Nagara Kretabhumi meunang Pangeran Wangsakerta.
Baca Juga: Cirebon Misahkeun Maneh ti Pajajaran, Walangsungsang Ngeclakeun Cipanon