Agama Sunda, Ceuk Pantun Bogor, Geus Aya Jauh Samemeh Urang India Daratang ka Nusantara

GALURA -Nepi ka danget ieu tacan aya pamadegan para ahli sejarah anu bisa mastikeun naon agama urang Sunda baheula, najan di antarana aya anu nyebutkeun agama urang Sunda baheula teh Hindu jeung Budha.

Budayawan Sunda ti Kota Sukabumi, Anis Djati Sunda (ADS) sawargi, dina sababaraha tulisanna negeskeun agama urang Sunda baheula teh agama Sunda.

Nyoko kana naskah lontar Carita Parahyangan (CP) koropak 406 nu nerangkeun ayana para wiku atawa pandeta “nu ngawakan Jati Sunda”.

Nu ngawakan Jati Sunda teh para pendeta anu ngamalkeun ajaran agama lokal anu mulasara “kabuyutan parahyangan”.

Baca Juga: Kampung Kuta, Bolay Dijadikeun Puseur Karajaan Galuh, Alatan Raja Teu Bisa Asup ka Patang Ngewu Domas

Ceuk Anis Jati Sunda, kabiasan ngamalkeun agama lokal sarta ngarumat kabuyutan nepi ka ayeuna masih aya anu nuluykeun nyaeta Urang Rawayan (Baduy) anu ngagenggem agama Sunda Wiwitan.

Sesa tina kabuyutan Jati Sunda atawa Parahyangan nyaeta Mandala Kanekes pamukiman urang Baduy jeung system anu ngatur sapopoena warga Baduy utamana Baduy Jero anu masih keneh tuhu kana adat.

Kabuyutan anu dijaga tur dipulasara ku warga Baduy Jero galibna disebut Sasaka Domas, Sasaka Pusaka Buana, atawa disebut oge Sasaka Pada Ageung.

Katerangan sejen anu negeskeun agama Sunda geus aya ti baheula sakumaha anu dipedar dina Pantun Bogor bagian Pantun Gede (pantun sakral) episode “ Curug Sipada Weruh” nu unina kieu: