Network
GALURA -Seuweu Larasantang, Syarif Hidayatullah, nu dilahirkeun jeung digedékeun di Mesir saditinggalkeunana ku bapana, panguasa lokal di Mesir nu dina Babad Cirebon ngaranna Sultan Mahmud, balik ka Cirebon bareng bareng jeung Larasantang.
Syarif Hidayatullah jeung Larasantang anjog ka Cirebon taun 1540 Masehi, saméméhna nyimpang heula ka Banten jeung ka Ampel (Jawa Timur).
Larasantang jeung Syarif Hidayatullah ngamukim di Muharajati. Syarif Hidayatullah ngadahup ka Nyai Pakungwati, siwi Walangsungsang jeung ka Nyai Babadan, siwi Ki Gedeng Babadan.
Baca Juga: Stasiun Kareta Api Buitenzorg Make Arsitektur Corak Eropa, Ayeuna Kaendahanana Meh Leungit
Bojo Syarif Hidayatullah sejenna: Nyai Kawung Anten (adi panguasa Banten), Syarifah Bagdadi (adi pangéran Panjunan), Ong Tin Nio (Tiongkok), jeung ka Tepasasri (siwi Ki Gedéng Tepasari ti Majapahit).
Ku mitohana nu oge uwana, ku Walangsungsang, Syarif Hidayatullah dipasrahan Cirebon.
Dibantuan ku Demak, Syarif Hidayatullah nu sanggeus maot julukanan Sunan Gunung Djati, ari makamna mah di Gunung Sembung nu teu jauh ti Gunung Jati, leuwih mekarkeun Cirebon jeung nohagaan angkatan perang.
Sanggeus ngarasa kuat, Syarif Hidayatullah misahkeun Cirebon ti Pajajaran. Cirebon henteu masrahkeun upeti ka Rajagaluh. Atuh peperangan antara Rajagaluh jeung Cirebon teu bisa disinglar.
Baca Juga: Palabuan Sunda Kalapa, Kecap Kalapa asalna tina Karapa, Ngaran Wewengkon di Suku Maya
Urang Cirebon hésé pisan nalukeun Rajagaluh, najan Cirebon dibantuan ku Demak nu ngahaja ngirimkeun tentarana.
Méméh ngarebut Rajagaluh, Cirebon ogé ngalindih heula Kajene atawa Kuningan. Ti dinya, pasukan Cirebon ngangseg ka wewengkon Kawali, urut puseur Karajaan Galuh-Sunda.
Dibantuan ku Demak, Cirebon ngarebut Sunda Kalapa. Ti dieu beuki ngangseug. Pasukanana nu dibantuan ku Banten jeung Demak ngarurug Pajajaran.
Bisa jadi Walangsung nempo Sunda Kalapa direbut ku Cirebon, Pajajaran runtag, ngeclakeun cipanonna.
Masing kumaha wae oge Pajajaran teh tempat kalahiranana jeung hubungan jeung Pajajaran henteu pegat jaman dirina jadi panguasa Cirebon mah.***
