Ceuk Babad Tanah Jawi Nu Ngadegkeun Majapahit teh Putra Padjadjaran

SALAHSAHIJI naskah nu holna ti Jawa, Babad Tanah Jawi, nerangkeun nu ngadegkeun Majapahit téh urang Padjadjaran.

Nu matak, ceuk sawatara budayawan, kaharti Prabu Hayam Wuruk embungeun nalukeun Karajaan Sunda.

Babad Tanah Jawi, naskah kuna nu holna ti Jawa Tengah nyaritakeun asal-usul Pulo Jawa jeung raja-rajana.

Baca Juga: Alun - Alun Singaparna Ayeuna Ginding Kacida, Beda Pisan Jeung Baheula, Ridwan Kamil : Ruang Publik Tumaninah

Di jujut ti Nabi Adam tepi ka Sultan Agung, panguasa karajaan Mataram Islam. Ceuk ieu babad mah, Majapahit oge diadegkeun ku urang Pajajaran, ku urang Sunda.

Dina Babad Tanah Jawi disebutkeun nu nyakrawati ngabahu denda di Padjadjaran téh Kuda Laléyan, seuweuna Panji nu kawin ka putri Kediri.

Prabu Laléyan boga seuweu nu ngaranna Banjaran Sari nu terus ngarundaykeun Munding Wangi.

Seuweu Munding Wangi ngaranna Sri Pamekas nu boga anak Arya Bangah jeung Radén Sesuruh.

Baca Juga: Buah Gedong Gincu, Dipelak di Jatigede, Sumedang, Ku Bandar Disebut ti Majalengka