Haji Prawatasari Teureuh Panjalu nu Mimiti Bajuang di Cianjur Mibanda Pasukan nu Bisa Lus-Les Laleungi

Tina kituna sejarah Prawatasari bisa dipaluruh di tempat dikurebkeunana di Kampung Aria Desa Bingkeng Kacamatan Dayeuhluhur Kabupaten Cilacap, Jawa Tengah.

Ku urang dinya Prawatasari dipiwanoh ku sebutan Pangeran Aria Pasalingsingan. Ari ku urang Panjalu mah disebut makam Aria Sacanata.

Aria Salingsingan ku urang Desa Bingkeng disebut oge Kyai ti Cianjur. Di Desa Bingkeng aya sababaraha tempat anu sarua jeung tempat nu aya di Kabupaten Cianjur saperti Leuwi Cibeet jeung Pasir Jampang Manggung.

Kuncen makam Aria Salingsingan negeskeun dirina meunang wasiat ti karuhunna cenah samemeh palastra Kyai Ti Cianjur mere uga.

Eusi ugana teh: hiji waktu bakal datang gegeden asal Cianjur katurunan Dalem Cikundul maluruh kaula.

Baca Juga: Patilasan Eyang Dalem Arya Kancana di Cibangban Desa Bunter Aya Patalina jeung Prabu Niskala Wastukancana

Ngan hanjakalna kuncenna teu bogaeun sajarah anu lengkep ngeunaan Prawatasari.

Kuncen yakineun Prawatasari palastra di Kampung Bingkeng, malah asal-muasal ngaran kampung Bingkeng nandakeun kana taktik tempur pasukan Prawatasari waktu ngalawan Belanda.

Taktik perang Prawatasari balucat-balicet matak pipusingeun Walanda. Make istilah militer mah taktik “Bingkeng” teh perang gerilya make teknik “ Hit and Run “.

Komplek makam Prawatasari aya di tanah desa nu legana 1,5 hektar, angganggna lokasi makam ka puseur dayeuh Clacap aya kana 150 kilometer.