GALURA-Nyalusur sajarahna, Observatorium Boscha dimimitian taun 1920, nu dipayungan ku lembaga Nederlands Indische Sterrenkundige Vereeniging (NISV).
Dipupuhuan ku A.R. Bosscha, ngandung maksud keur ngawadahan sumber daya jeung pamikiran tina hasil ngimeutan astronomi.
Tanggal 1 Januari 1923, Observatorium Boscha diresmikeun, lembaga munggaran nu ngarintis elmu astronomi moderen di Asia Tenggara.
Riset utamana naliti astrofisika bentang nu dirojong ku sains fisika dunya awal abad ka 20.
Sarengsena perang dunya kadua, taun 1951 Observatorium Boscha dipasrahkeun ku NISV ka FIPIA Universitas Indonesia nu satuluyna jadi FMIPA ITB.
Ti harita mimitina aya pendidikan ngeunaan astronomi di Indonesia, nu tempatna di ITB. Nguatan SDM, mekarkeun rukun gawe, Jeung fasilitas pikeun ngadeudeul pendidikan astronomi
Baca Juga: Marc Klok Rek Mawa Persib Ngarebut Tahta Klasemen BRI Liga 1 nu Ayeuna Dicekel Persija
Salila ieu ngahasilkeun diversifikasi panalungtikan nu ngawengku astrofisika bintang, Tata Surya, jeung Galaksi Bima Sakti.
Bulan Mei 1960, diayakeun uji coba teleskop Schmidt Bima Sakti. Ieu teleskop nu diameter lensana ukuran 51 cm, diameter cermin 71 cm, jeung panjang fokusna 127 cm teh sumbangan ti Unesco.
Satuluyna, taun 1989 Boscha meunang deui bantuan teleskop GOTO nu dilengkepan ku spektrograf jeung fotometer nu danana ti JSPS.
Baca Juga: 47 Apartemen keur ASN Waragadna Rp 9,4 Trilyun, Basuki Hadimuljono : Bisa Dibeuli ku ASN
Ieu teh munggaran ngagunakeun teleskop nu dikendalikeun ku komputer ti Observatorium Boscha.
Sawatara mitra gawe ti FTMD ngabantu pikeun mere gambaran aspek teknis cara ngagunakeun teleskop nu ngagunakeun jaringan komputer.
Taun 2000, Observatorium Boscha meunang Bosscha Compact Spectrograph ti Jepang, mairan gawe bareng jeung Gunma Astronomical Observatory.
Baca Juga: Elang Jawa Jelita jeung Parama Dikencarkeun di Wewengkon TSI Cisarua Bogor bari Dpasangan GPS
Baca Juga: Lima Kasakit nu Kudu Dijauhkeun, papagon Sanghyang Siksa Kandang Karesian
Spektrograf ieu teh dimensina leutik pisan, bisa dipasang di sawatara teleskop.
Sains astronomi nyurahan sistem kalender nu kacida pentingna. Atuh, nincak taun 2000 Observatorium Boscha ngayakeun rukun gawe jeung Kementerian Agama Republik Indonesia pikeun netepkeun kriteria MABIMS (Menteri Agama Indonesia, Malasyia, Singapura jeung Brunei Darussalam), sapuk, ngahijikeun kalender Islam jeung Hilal.
Modernisasi sarana di lingkungan Boscha keur nga-upgrade backbone internet ka jaringan serat optik internet dilakukeun di Observatorium Boscha, sumber dana dibantu ku LKBF (Leids Kerkhoven Bosscha FONDS).
Dumasar Putusan Kementerian Pendidikan dan Kebudayaan No 184/M/2017, Observatorium Boscha statusna jadi Benda Cagar Budaya tingkat Nasional, tinimbangan kana kontribusina numuwuhkeun sains astronomi keur kapentingan ngabinekaskeun masarakat, koleksi hasil panalungtikan, pustaka nu adiluhung nileyna.
Atuh, Pemkab Bandung Barat luyu jeung SK No 188.45/.Kep 731-Disparbud/2021, netepkeun Boscha jadi bangunan cagar budaya.***