Makam Cut Nyak Dhien ku Naon Aya di Sumedang?

- 21 Februari 2024, 07:00 WIB
Makam Cut Nyak Dhien di Gunung Puyuh, Desa Sukajaya, Kecamatan Sumedang Selatan, Kabupaten Sumedang.
Makam Cut Nyak Dhien di Gunung Puyuh, Desa Sukajaya, Kecamatan Sumedang Selatan, Kabupaten Sumedang. /

GALURA.CO.ID -Cut Nyak Dhien teh Pahlawan Nasional nu bajung ngusir Walanda di Aceh. Perjuangan Cut Nyak Dhien kungsi difilmkeun, taun 1988, anu merankeun Cut Nyak Dhien bintang film Christine  Hakim.

Film Cut Nyak Dhien kaasup film biografi, lantaran nyaritakeun Cut Nyak Dhien tepi ka ditawan ku Walanda sarta dibuang ka Batavia (Jakarta).

Cuk Nyak Dhien bajuang ngalawan kolonial Walanda dina Perang Aceh (1873-1904). Inyana ancrub di medan peperangan sabada carogena, Teuku Ibrahim Lamnga gugur di medan perang waktu ngalawan Walanda.

Baca Juga: Tugu PWI di Kuningan, Miboga Ciri Ajén Anu Mandiri

Cut Nyak Dhien nikah deui ka Teuku Umar nu oge pajuang Aceh sarta sarua geus dileler Pahlawan Nasional. Bareng jeung pajuang Aceh sejenna, Cut Nyak Dhien katut caroge ngalanytarankeun Walanda kariripuhan.

Walanda tepi ka sababaraha kali ngaganti jendralna nu ditugaskeun di Aceh lantaran gagal wae mareuman perjuangan rayat Aceh. Walanda tepi ka kudu ngirimkeun Christiaan Snouck Hurgronje pikeun maluruh sosiologi masarakat Aceh.

Aceh karek bisa mimiti diperuhkeun taun 1904. Hartina Aceh mah henteu dijajah salila 350 taun. Dijajahna karek taun 1904. Cuk Nyak Dhien, 4 November 1905 ditawan.

Alatan kondisina geus geringan kungsi dirawat di Banda Aceh. Inggiseun  Cuk Nyak Dhien ngagedurkeun deui sumanget para pajuang, Walanda ngasingkeun Cuk Nyak Dhien ka Batavia.

Baca Juga: Dina Carita Rayat, Karajaan Talaga teu Kungsi Taluk ka Cirebon

Bupati Sumedang mangsa harita, Aria Soeria Atmaja, meredih sangkan Cut Nyak Dhien dipindahkeun ka Sumedang.

Walanda ngagugu alatanana Cut Nyak Dhien tetep ngajalin hubungan jeung pajuang Aceh. Cut Nyak Dhien, 11 Desember 1906, diasingkeun deui ka Sumedang, ngarah warga Aceh hese rek nepungan Cuk Nyak Dhien.

Ku Aria Suria Atmajam Cut Nyak Dhien nu ku Walanda dibere gelar Ratu Jihad teh diperenahkeun di padumukan Haji Sanusi nu teu jauh ti Masjid Agung Sumedang.

Bupati Sumedang merhatikeun pisan ka Cut Nyak Dhien, sagala kaperluanana diperhatikeun. Cut Nyak Dhien oge ngajar ngaji jeung taustiah ka warga sabudeureunana.

Cut Nyak Dhien mulih ka jati mulang ka asal tanggal 6 November 1908. Dikurebkeun di Gunung Puyuh, Desa Sukajaya, Kecamatan Sumedang Selatan, Kabupaten Sumedang.

Makamna karek kapaluruh taun 1959. Cuk Nyak Dhien dileler gelar Pahlawan Nasional kalayan SK  Presiden RI No.106 Tanggal 2 Mei 1964, taun 1964.***

Editor: Nanang Supriatna


Tags

Artikel Pilihan

Terkait

Terkini

Terpopuler

Kabar Daerah

x