Network
GALURA.CO.ID- Kepala Balai Bahasa Provinsi Jawa Barat, Dr. Herawati S.S., M.A., banget ngaapresiasi tarèkah Pamarèntah Kabupaten Bandung dina ngamumule basa jeung budaya Sunda.
Salasahijina ku medalkeun Kamus Istilah Basa Sunda, Pangajèn ka Tokoh Kebahasaan jeung Kesastraan, tur Pamasrahan Hadiah Apresiasi Bahasa jeung Sastra.
Kituna tèh ditepikeun Herawati basa ngaluuhan acara Publikasi Kebahasaan dan Kesastraan nu digelar di Gedung PGRI Kabupaten Badung di Jalan Katapang - Soreang, Senen ( 30/10/2023).
Baca Juga: SLCC PGRI Kabupaten Bandung keur Ngaronjatkeun Kompetensi jeung Karaharjaan Guru
Publikasi Kebahasaan dan Kesastraan digelar Dinas Pendidikan Kabupaten Bandung, nu dieusi ku acara Peluncuran Kamus Istilah Basa Sunda, Penghargaan Tokoh Kebahasaan dan Kesastraan ti Bupati jeung Kepala Dinas Pendidikan Kabupaten Bandung, katut Penyerahan Hadiah Apresiasi Bahasa dan Sastra.
Ceuk Herawati, ieu tèh salashiji wujud Pamarèntah Kabupaten Bandung mibanda apresiasi luhur kana tarèkah ngamumule basa jeung sastra Sunda.
"Simkuring miharep ieu itiasa diturutan ku Kabupaten Kota sanèsna nu aya di Propinsi Jawa Barat, minangka wujud nyata tarèkah urang kanggo teu welèh ngajagi sareng ngamumule basa sareng sastra daerah, " pokna.
Ceuk Herawati, lamun lain pinutur jati nu ngamumule basa jeung sastra daerahna rèk ku saha deui. "Teu mungkin urang kedah waè ngantosan urang luar kanggo micinta budaya sareng basa urang, nèmbè urang narèkah micinta basa sareng budaya urang, " pokna.
Baca Juga: Hampura
Herawati nyebutkeun program nu dilaksanakeun ku Pamarèntah Kabupaten Bandung nyekrup jeung program-program nu dilaksanakeun Balai Bahasa Jawa Barat.
"Jadi, Balai Bahasa Provinsi Jawa Barat ogè ngalaksanakeun program prioritas. Di antawisna Program Literasi Kebahasaan dan Kesastraan. Teras aya Program Perlindungan Bahsa dan Sastra, ogè Program Internasionalisasi Bahasa Indonesia nu ngarupikeun implementasi tinai Undang-Undang Nomer 24 Taun 2029 perkawis bendera, bahasa , lambang tur lagu kebangsaan, " ceuk Herawati.
Salasahiji program prioritas bieu nangtayungan basa jeung sastra. Ceuk Herawati ieu nyambung jeung program nu dilakukeun Pamarèntah Kabupaten Bandung dina tarèkah ngamumule basa jeung sastra Sunda.
"Di Jawa Barat tos ngalaksanakeun nu namina revitalisasi bahasa daerah. Ieu lebet taun ka-3. Dina taun munggaran, 2021 nembè 3 propinsi sareng 5 basa nu ngalakukeun revitalisasi basa daerah, nyaèta basa Jawa, Sunda, Makassar, Toraja, sareng basa Bugis, " ceuk Herawati.
Baca Juga: Konker III PGRI Kabupaten Bandung Dr. H. Agus Firman: Zaini: PGRI Kudu Sumanget Ngamajukeun Atikan
Dina taun 2022 kamari, Herawati nyebutkeun revitalisasi bahasa geus diapungkeun sacara resti dina program Merdeka Belajar nu dipokalan ku Kementerian Pendidikan, Kebudayaan Riset dan Teknologi.
"Danget ayeuna tos aya 26 episode Merdeka Belajar, nu salasawiosna dimedalkeun dina sasih Pebruari 2022 , nyaèta revitalisasi bahasa daerah ku cara Merdeka Belajar eposode ka-17, " ceuk Herawati.
Herawati nyebutkeun Kabupaten Bandung teu welèh aub dina revitalisasi basa daerah. "Insyaallah taun ayeuna, Festival Tunas Bahasa Ibu (FTBI) tina runtuyan ahir ti revitalisasi basa daerah badè dilaksanakeun di Kabupaten Bamdiung," ceuk Herawati nèmbrèskeun.
Herawati miharep pangrojong ti Pamarèntah Kabupaten Bandung, utamana ti Dinas Pendidikan Kabupaten Bandung teu suda, sangkan FTBI lumangsung lungsur-langsar.
"Upami teu aya halangan acara bubuka FTBI kaping 14 Nopember 2023 badè diluuhan ku istri Menteri Pendiddikan Kebudayaan Riset dan Teknologi, " ceuk Herawati mungkas. *** Sopandi
