Network
GALURA.CO.ID -Kapolri Jenderal Polisi Drs. Listyo Sigit Prabowo ngawilujengkeun Idul Adha 1445 Hijriyah ka umat Islam. “Wilujeng Hari Raya Idul Adha 1445 Hijriyah neda dihapunten lahir sinareng batin,” ceuk Jenderal Sigit, Senen (17/6/24).
Dina hakekatna, ceuk Kapolri, Hari Raya Idul Adha teh mieling kajantenan nalika Nabi Ibrahim AS kersa ngorbankeun putrana Nabi Ismail AS, bukti kapatuhan ka Allah SWT. Ieu momentum ceuk Jenderal Sigit kudu jadi pepeling sangkan sumanget toleransi kudu tuluy digederkeun.
“Hayu sasarengan mieling Hari Raya Kurban kalayan sumanget toleransi persatuan kesatuan kangge ngajagi utuhna kabhinekaan,” ceuk Kapolri.
Jajaran pejabat utama (PJU) Mabes Polri = ngalaksanakeun salat Idul Adha di Lapangan Bhayangkara Mabes Polri. Khutbah dina Salat Idul Adha dieusi ku Wakil Rektor III Universitas Islam Negeri (UIN) Syarif Hidayatullah Jakarta Prof. Ali Munhanif, M.A., Ph.D.
Kadiv Humas Polri Irjen. Pol. Sandi Nugroho netelakeun, dina Idul Adha aya 8.583 hewan kurban: sapi 5.209 jeung embe 3.374
Tina rebuan hewan kurban bieu, 611 sapi jeung 17 embe dikumpulkeun di Satker Mabes Polri. Di Polda jajaran 4.598 sapi jeung 3.357 embe.
“Distribusian daging qurban PJU Mabes diarahkeun ka Komplek Polri, Asrama Polri, Ponpes jeung Yayasan Yatim Piatu, Mako Polres, sarta Polsek sa-Jabodetabek,” ceuk Kadiv Humas.*** Ayank R Sambara
