GALURA.CO.ID -Kasus proyek Pasar Sindang Kasih Cigasong, Majalengka masih terus disalusur. Anyar-anyar ieu Pj Bupati Bandung Barat, Arsan Latif ditetepkeun tersangka dina kasus korupsi proyek Pasar Cigasong, eta.
Arsan ditetepkeun jadi tersangka dumasar surat perintah penyidikan Kejati Jabar nomer 1321/M.2/Fd.2/06/2024 tanggal 5 Juni 2024. TI dinya kaluar deui zurat penetapan tersangka (Pidsus-18) Kajati Jabar nomer TAP- 58/M.2/Fd.2/06/2024 tanggal 5 Juni 2024.
Siga kumaha sabenerna mekanisme peraturan Bupati anu aya ptalina jeung Proyek Pasar Cigasong?
Ceuk Setiabudi, M.Pd., salasahiji tokoh masarakat di Majalengka, dina netepkeun Perbup ngeunaan Proyek Pasar Cigasong tangntuna ngaliwatan mekanisme jeung tahapan saluyu Permendagri ngeunaan Pembentukan Produk Hukum Daerah.
Inyana nyebutkeun loba dias anu kalibet dina disusunna Peraturan Bupati (Perbup). Disebutkeun Budi, Proses Pembentukan Perbup ngaliwatan sababaraha tahapan:
1. Perencanaan
2. Penyusunan
3. Pembahasan
4. Penetapan
5. Pengundang-undangan.
Masih ceuk Budi anu oge salasahiji pingpinan LSM di Jawa Barat netelakeun unggal pejabat dina nyieun Perbub mibanda pancenna sewang-sewangan.
1. Bupati:
- netepkeun Perbup
- ngakoordinasikeun proses disusunna jeung ditetepkeunna Perbup.
2. Sekretaris Daerah (Sekda):
- Ngakoordinasi tim pembahasan
- Nandatangan dokumen Perbup
- Ngajukeun draft ahir ka bupati
- Ngan-udangkeun Perbup dina berita daerah
3. Kepala Dinas/Badan Pemrakarsa (OPD):
- Nyusun naskah awal
- Ngajukeun draft ka Bagian Hukum Setda Pemprov/Pemkab
4. Bagian Hukum Setda:
- Ngafasilitasi penyusunan Jeung pembahasan
- Netepkeun jeung ngadokumentaskeun.
- Ngurus nomer jeung registrasi produk hukum
5. Tim Pembahasan:
- Ngabahas jeung nganggeuskeun draft Perbup
- Ngalaporleun perkembangan ka Bupati Jeung ka Sekda
6. Organisasi Perangkat Daerah (OPD) Pemrakarsa:
- Nyusun draft bareng Kepala Dinas/Badan/OPD
- Ngaoordinasikeun penyusunan katut pembahasan jeung tim anu aya patalina.
"Eta gambaran umum perkawis mekanisme peran sababaraha pihak ngeunaan dina netepkeun Perbup," ceuk Budi.
Disebutkeun Budi, salasahiji kasus anu keur dipocongok teh dijieunna Peraturan Bupati Majalengka Nomor 103 Tahun 2020 ngeunaan Pedoman Pelaksanaan Pemilihan Mitra Pemanfaatan Barang Milik Daerah Berupa Bangunan Serah Atas Tanah di Jalan Raya Cigasong-Jatiwangi Kelurahan Cigasong Kecamatan Cigasong Kabupaten Majalengka.
Hususna keur ngarumuskeu jeung netepkeun Perbup ngeunaan Bangunan Serah Guna (BGS) Pasar Cigasong, digunakeun tim pendamping ti Inspektorat Jenderal (Irsus 1v) Kementerian Dalam Negeri.
Udaganana mastikeun satiap tahapan, mekanisme, jeung Standar Operasional Prosedur (SOP) nepi substansi Perbup euweuh nu kaliru jeung teu salah.
"Sateuacan ditandatangan, Perbup kedah leres tur saluyu sareng palaturan katut perundang-undangan," ceuk DB Setiabudi.
"Perbup ditetepkeun di Majalengka tanggal 18 November 2020, ditanda tangan Bupati Majalengka, Karna Sobahi; Sekretaris Daerah, Eman Suherman; jeung Kepala Bagian Hukum Sekretariat Daerah Kabupaten Majalengka, Dede Supena Nurbahar," ceuk Budi.*** Ayank R Sambara