GALURA.CO.ID - Babinsa Koramil 1714/Jatitujuh Kodim 0617/Majalengka Sertu Agus Gusniadi ngalaksanakeun pandampingan jeung poktan nyaian sawah tadah hujan jadi sawah produktif, anu lokasina di Desa Sumber Wetan, Kecamatan Jatitujuh, Kabupaten Majalengka.
Gerakan Pompanisasi teh program unggulan ti Kasad, leuwih efektif keur nyaian sawah tadah hujan di usum katiga. Dina kituna sawah-sawah jadi produktif di masa tanam kadua.
"Pompanisasi teh kangge ngaktifkeun sawah-sawah tadah hujan di usum tanam kadua. Salami ieu sawah tadah hujan di musim tanam kadua teu tiasa dipelak,” ceuk Sertu Agus, nalika nyaian sawah, Rebo(26/6/2024).
Meuang rojongan sacara langsung ti Kementrian Pertanian, Poktan Situnggak, Poktan Upja sumber mandiri jeung Gapoktan Sumber purnama ngaapresiasi sakaligus mapag hade program pompanisasi nu dipiharep bisa nambah musim tanam masarakat.
"Pamugi ku ayana program pompanisasi sakumna patani di Desa Sumber Wetan tiasa ngalaksanakeun masa tanam kadua. Kalayan dipiharep sawah tadah hujan tiasa janten sawah-sawah produktif," ceuk Sertu Agus.*** Ayank Sambara