Network
GALURA.CO.ID -Tim Art Pioneers; Arif Rahman Nugraha jeung Al-Fath Muhammad Devana Kartasasmita, tiluanana siswa SMAN 1 Kawali ngagelar kagiatan edukasi ka Pustakawan Cilik (Puscil) MI Winduraja di Komunitas Gada Membaca sawatara waktu ka tukang.
Udagana sangkan Puscil wanoh kana inovasi produk patlot nu ngaranna PenArt, nu diproduksi kagiatan lomba FIKSI. Arif nyebutkeun produk PenArt focus edukasina sejarah Karajaan Galuh.
“Inovasi patlot warna PenArt saperti aya ukiran seni dina patlotna nu oge elemen nu aya patalina jeung Karajaan Galuh," pokna.
Salian ti eta, dina produk PenArt oge aya teknologi Augmented Reality (AR) nu bisa dijadikeun media pembelajaran keur baruda. Keur ngamucunghulkeun AR-na, PenArt nyadiakeun kartu nu ngagambarkeun karakter tokoh Karajaan Galuh ku cara scan kartuna.
Kagiatan edukasi ka Puscil nu digelar ku Tim Art Pioneers, barudak bisa leuwih mikawanoh sejarah Karajaan Galuh nu oge mikawanoh teknologi AR keur media diajar nu informatif sarta nyambung jeung handphone.*** Agus Munawar, Komunitas Gada Membaca
