Network
GALURA.CO.ID- Badan Amil Zakat Nasional (BAZNAS) Kabupaten Bandung nyalurkeun bantuan ka 181 masyarakat atawa panarima mangpaat di Aula BAZNAS Kabupaten Bandung, Kemis 27 Juni 2024.
Acara disaluuhan Wakil Ketua 2 Bidang Pendistribusian dan Pendayagunaan BAZNAS Kabupaten Bandung, H. Abdul Rouf, jeung Wakil Ketua Bidang SDM dan Administrasi Umum H. Sarnapi.
Ceuk Kabag Pendistribusian dan Pendayagunaan BAZNAS Kabupaten Bandung, Ade Nurdiansyah, bantuan teh minangka amanah zakat, infak jeung sedekah ti kaum muslimin hususna para ASN.
"Panarima mangpaat di ampir sadaya kecamatan di Kabupaten Bandung nu tos ngajengkeun bantuan ka BAZNAS," ceuk Ade.
Bidang Pendistribusian dan Pendayagunaan BAZNAS Kabupaten Bandung, H. Abdul Rouf nètèlakeun, bantuan nu disalurkeun mangrupa bantuan kasehatan, mayar hutang satutas dirawat di rumah sakit, jeung mayar tunggakan BPJS Kasehatan.
"Sajaba kitu, bantuan ogè kanggo waragad pendidikan, bantuan pangwangunan fasilitas agama pendidikan, bantuan disabilitas, atanapi bantuan kagiatan keagamaan," ceuk Abdul Rouf.
Abdul Rouf amanat sangkan bantuan nu dibikeun BAZNAS Kabupaten Bandung bisa dimangfaatkeun sahadè-hadèna luyu jeung ajuan.
"Ulah dugi ka bantosan kanggo mayar tunggakan iuran BPJS Kesehatan dianggo kanggo kaperyogian sanèsna dugi ka tunggakan tetep aya," ceuk Abdul Rouf.
Inyana ogè meredih sangka para panarima mangpaat ngèlingan kaum muslimin nu mampu sangkan sadar dina nyisihkeun rezekina pikeun zakat atawa infak.
