Network
GALURA.CO.ID -Sajumlah 257 urang warga binaan Lapas Kelas II B Majalengka nampa remisi Idul Fitri 2024. Dua urang di antarana meunang bebas rengse remisi.
Kepala Lapas Klas II B Majalengka, Wawan Irawan nyebutkeun, kiwari di lapas aya 348 urang. Rincianna 39 urang statusna tahanan jeung 309 narapidana.
"Anu nampi remisi 257 urang; Remisi Khusus (RK) I 255 urang jeung RK II 2 urang," ceuk Wawan.
Baca Juga: Barokah Ramadhan, TMP bareng jeung Relawan Laskar katut Sasama Babagi Tajil di Lapas Majalengka
Keur RK I, didominasi potongan masa tahanan 1 bulan nyaeta sajumlah 162 urang. Remisi pikeun 73 urang meunang 15 poe, 17 urang meunang 1 bulan 15 poe, jeung tilu urang nampa remisi 3 bulan.
Anu nampa RK II, sajumlah dua urang masing-masing warga binaan dina kasus pencurian. Duanana divonis dua taun jeung 1,6 taun panjara.
Dijelaskeun Wawan, pikeun anu nampa RK I, masih kudu ngalakonan sesa masa hukuman, tina kituna masih acan bisa bebas.
"RK II mun dikurangan remisi ayeuna bakal bebas 10 April, poean Idul Fitri," ceuk Wawan.*** Ayank R Sambara
