GALURA.CO.ID -Sajumlah warga nepikeun dukunganana ka Dadang Supriatna pikeun maju deui jadi Bupati Bedas jilid 2.
Dukungan bieu ditepikeun warga
dina Rembug Bedas ka-101 di Desa Margamukti Kecamatan Pangalengan Kabupaten Bandung, Juma'ah burit 22 Maret 2024.
Warga nu nepikeun dukungan teh, di antarana: Kepala Desa Margamukti H. Odang Kusnadi, Enung Rohayati, kader PKK di Desa Margamukti, Jajang Sutisna BPD Margamukti, jeung tokoh masarakat sèjènna.
Baca Juga: Rembug Bedas Bupati Bandung di Desa Pangauban Katapang Ngawakafkeun Buku
Arinyana nganuhunkeun ka Bupati Bandung, Dadang Supriatna nu geus ngarèalisasikeun 13 program prioritas, di antarana insentif guru ngaji, RT RW jeung BPJS Kesehatan jeung BPJS Ketenagakerjaan.
Kana dukungan warga ieu Bupati Dadang Supriatna nganuhunkeun jeung nètèlakeun siap pikeun nuluykeun Bedas jilid 2.
Iwal ti ngarespon dukungan warga, dina Rembug Bedas Dadang Supriatna nepikeun kumaha pentingna nyiapkeun diri pikeun nyanghareupan Indonesia Emas taun 2045.
Ceuk Bupati Bandung, aya lima hal nu kudu jadi perhatian masarakat.
Kahiji, ceuk Dadang ningkatkeun sumber daya manusia (SDM) nu punjul jeung paham IT (Informasi dan Teknologi). Kedua big data, katilu riset jeung development, kaopat institusi nu kuat, kalima ngokolakeun keuangan (anggaran) nu hadè.*** Sopandi