Network
GALURA.CO.ID -Dansatgas TMMD ka-119 Kodim 0617/Majalengka Letkol Inf Dudy Pilianto, S.Pd., M.I.P., ngabageakeun Tim Redaksi Buku Potret TMMD, Kasubdispensat Dispenad Kolonel Arh Sudrajat dina raraga nyusun buku potret TMMD ka-119 di Desa Cipasung, Kecamatan Lemahsugih, Kabupaten Majalengka, Kemis (7/3/2024).
Dansatgas TMMD ka-119 Kodim 0617/Majalengka Letkol Inf Dudy Pilianto, S.Pd., M.I.P., ngawilujengkeun sumping ka tm peyusunan buku potret TMMD ka-119 ti Dispenad di lokasi TMMD Desa Cipasung, Kecamatan Lemahsugih.
Di tempat anu sarua Ketua Tim Kolonel Arh Sudrajat ngahatur nuhunkeun kana pangbageana ti Dansatgas TMMD, pajabat satempat jeung Kepala Desa Cipasung katut masarakat di lokasi TMMD.
Baca Juga: Alpukahna Satgas TMMD ka-119 Kodim 0617/Majalengka, Warga nu Kasawat Tumor Dioperasi
"Kasumpingan simkuring saparakanca dina raraga nyusun buku potret TMMD ka-119, kangge ngaliput sareng wawancara ka pejabat sarta masarakat di lokasi TMMD ka-119," ceuk Kolonel Arh Sudrajat.
Kepala Desa Cipasung, Deni Hermanto, nyebutkeun wawakil ti masarakat ngawilujengkeun kana kasumpingan Tim Redaksi di Desa Cipasung katut masarakat.
"Masarakat Desa Cipasung ngapresiasi TMMD, nu di antawisna ngabangun sarana infrastruktur jalan anu ngahubungkeun Dusun Sukamanah sareng Dusun Wiranyana," ceuk Deni Hermanto.
Deni nyebutkeun TMMD keur dirina katut masarakat bisa ngaronjatkeun paekonomian warga Desa Cipasung. "Dibukana akses jalan tiasa ngagampilkeun sakumna patani nyandak hasil tatanenna ka pasar kalayan gampil," ceuk Deni Hermanto.*** Ayank R Sambara
