GALURA.CO.ID -Pimpinan jeung anggota Komisi IV DPRD Jawa Barat, ngaroris kondisi Pasar Tradisional Harapan Jaya di Kota Bekasi nu geus rengse direvitalisasi tahap II (02/02/2024). Waragadna ti APBD Jabar taun 2023, sarta diresmikeun ku Pj Gubernur Jabar Bey Machmudin, Rebo 27 Desember 2023.
“Tina hasil ngaroris kondisi Pasar Harapan Jaya, sanggeus direvitalisasi, representative pisan, kondisi pasar bersih, sirkulasi hawa jeung cahaya cukup hade, henteu pararoek. Matak lugina, boh padagang boh masarakat nu rek balanja,” ceuk H. Daddy Rohanady, pingpinan Komisi IV DPRD Jabar.
Di Pasar Harapan Jaya Bekasi, aya 269 kios bagi, kabeh geus aya ngeusian. ”Komisi IV ngurilingan pasar, ngecek kondisi kios jeung sakaligus ngabandungan kamandang padagang jeung masyarakat kana kondisi Pasar HArapan Jaya geus direvitalisasi tahap II. Padagang jeung masarakat nyebutkeun kaayaan pasar ayeuna geus hade,” ceuk H.Daddy.
Baca Juga: Unpad Ngageuing, Lamun Bedegong 10 Rebu Mahasiswa Unpad Bakal Turun ka Jalan
Ka parapadagang, Daddy ngelimham sangkan ngajaga kabersihan jeung kaluginaan pasar. Ieu penting pisan lantaran pasar tadisional nu diangun tina anggaran APBD Jabar tetep haneuteun jeung masarakat tumaninah balanja di Pasar Harapan Jaya.
Ngeunaan masih loba pasar tradisional di Jawar nu sumebar di 27 kabupaten jeung kota, nu geus kudu direvitalisasi Daddy nyebutkeun geus 70 persen direvitalisasi. Tinggal 30 persen deui nu perlu direvitalisasi. DPRD Jabar bakal ngajurung Pemprov Jabar unggal taun nyadiakeun anggaran keur ngarevitalisasi pasar tradisional.***