GALURA.CO.ID -Jabatan kepala SDN 1 Sukaraja, Kecamatan Sindangkasih, Kabupaten Ciamis, Jawa Barat dimutasi. Samemehna dijabat ku Endang Wahyudin, ti mimiti Jumaah, 5 Januari 2024, diganti ku Asep Arifin.
Pangna Endang Wahyudin diganti lantaran inyana pangsiun. Serah terima jabatan kepala SDN 1 Sukaraja dilaksanakeun, Jumaah, 5 Januari 2024. Acarana basajan, tapi hidmat.
Surat Keputusan diangkatna Asep Arifin jadi kepala SDN 1 Sukaraja dipasrahkeun ku Korwil Pendidikan Kecamatan Sindangkasih. Asep Arifin nyebutkeun inyana bakal tohtohan leuwih ngamajukeun atikan di SDN 1 Sukaraja.*** Jarkasih