Network
GALURA.CO.ID -Wakil Bupati Ciamis, Yana D Putra ngaluuhan acara silaturrahmi nu digelar ku Pimpinan Cabang Persatuan Islam (PC Persis) Kecamatan Banjarsari, Salasa, 19 Desember 2023. Tempatna di Sekretariat PC Persis Banjarsari.
Wabup nepikeun ngeunaan pentingna kontribusi Persis, babakuna dina widang atikan jeung pangwangunan ahlak mental spiritual di Kabupaten Ciamis. Lebah dieu, “Pamarentah Kabupaten Ciamis ngaapresiasi peran Persis, hususna dina ngamotekarkeun sektor atikan,” pokna.
Disebutkeun ku Wabup, Pemkab Ciamis salawasna ngangken kana eksistensi Persis dina pangawangunan, babakuna dina widang atikan. ”Kontribusi Persis sanes mung ukur tembong dina ngamotekarkeun atikan, tapi oge dina ngawangun ahlak, mental, sareng spiritual," pokna.
Baca Juga: Bupati Ciamis Ngaluuhan Milangkala ka-11 Desa Natanegara Kecamatan Panawangan
Wabup oge nandeskeun pamerentah Daerah Ciamis ngahiap-hiap jeun g ngabageakeun pisan ka sakumna komponen masarakat, kaasup organisasi kaagamaan seperti Persis nu aub jeung ngadeudeul pangwangunan.
“Rukun gawe sareng sareng ormas, kalebet Persis, teh modal utama dina tarekah-tarekah pangwangunan di Kabupaten Ciamis. Pemda Ciamis moal tiasa ngabangun tanpa rojongan ti sakumna komponen masarakat sareng sakumna semua ormas nu aya di Kabupaten Ciamis, keleber Persis, " pokna.
Ceuk Wabup, Pemda Ciamis nganggap Persis salasahiji potensi penting nu perlu dikololakeun kalayan merenah sangkan kontribusina bisa dirasakeun sacara maksimal.
Wabup Yana D Putra nyebutkeun Pemerintah Daerah Ciamis ngarencanakeun ngawangun gedong sekretariat keur kabeh Ormas Islam di Kabupaten Ciamis. Tujuanana keur nyiptakeun ruang inklusif keur sakumna Ormas Islam.***
