Network
GALURA.CO.ID -Bupati Ciamis jeung Wakil Bupati Ciamis, Herdiat Sunarya jeung Yana D.Putra, 31 Desember 2023 purnabakti. Ti 2 Januari 2024 tepi ka Pilkada Serentak 27 November 2024, salila kurang leuwih 11 bulan, Kabupaten Ciamis didipingpin ku penjabat atawa pj. bupati nu diangkat jeung ditetepkeun ku Mendagri.
DPRD Ciamis 5 Desember 2023 ngagelar Sidang Parpurna Pemberhentian Bupati jeung Wakil Bupati Ciamis, Diluuhan ku Herdiat Sunarya jeung Yana D Putra.
DPRD Kabupaten Ciamis geus ngajukeun surat usulan dieureunkeunana Herdiat jeung Yana ka gubenur Jawa Barat nu saterusna ditepikeun ka Kemendagri pikeun ditetepkeun ku Mendagri.
Baca Juga: Barendelan Lululuhur Ciamis jeung Tasikmalaya, Luluhur Satempat jeung Satingkat Raja Wilayah
Herdiat Sunarya jeung Yana D.Putra nyekel kalungguhan jadi bupati jeung wakil bupati Ciamis teh hasil Pillkada Serentak 27 Juni 2018. Mendagri ngaluarkeun SK pangangkatanana 5 September 2018.
Ari kuduna mah langsung diistrenan ngan duka kumaha bupasti jeung wakil Ciamis diistrenana 20 April 2019, kurang leuwih dalapan bulan sangggeus kaluarna SK ti Mendagri. Beda jeung bupati wakil bupati hasil pilkada serentak 27 Juni 2018 nu gancang diisitrenana.
Herdiat Sunarya jeung Yana D Putra diiberkeun bakal ngajabat tepi ka April 2024, lantaran dilantik jadi Bupati jeung Wakil Bupati April 2019, sababaraha bulan sabada KPU netepkeun duanana jadi bupati jeung Wakil Bupati pinilih.
Kuduna mah Herdiat Sunarya jeung Yana D Putra ngecagkeun kalungguhanana 5 September 2023, luyu jeung SK pengangkatan ti Mendagri. Ngan beda jeung daerah sejen nu kepala daerahna dipilih dina Pilkada seretak 2018, Herdiat jeung Yana marenna tepi ka Desember 2023.
Baca Juga: Pj Bupati Ciamis kudu Ngajamin Netralitas ASN dina Pemilu jeung Pilpres 2024
