Network
GALURA.CO.ID -Badan Kepegawaian dan Pengembangan Sumber Daya Manusia (BKPSDM) Kabupaten Majalengka ngamedalkeun inovasi dina widang Pelayanan Kepegawain, Sistem Manajemen ASN Rinci dan Terintegrasi (SMART). Gebyar inovasi bieu dilaksanakeun di aula BKPSDM Majalengka, Kemis (26/10/2023).
Bupati Majalengka, Wakil Bupati, Sekda, Ketua DPRD oge Komisi 1 DPRD Majalengka, Kepala BKPSDM Majalengka, Kepala BKPSDM Jawa Barat , sakumna Staf Ahli, Kepala OPD, Camat , Kemenag Majalengka katut ondangan liana, ngaluuhan medalna SMART.
Kepala Badan Kepegawaian dan Pengembangan Sumber Daya Manusia (BKPSDM) Kabupaten Majalengka Dr. H. Irfan Nur Alam, SH, MH., netelakeun SMART teh salasahiji tarekah pangladen prima dina nyanghareupan jaman industri 4.0.
"Sistem Manajemen ASN Rinci dan Terintegrasi (SMART), portal nu ngintegrasikeun sababaraha fitur layanan sareng manajemen kepegawaian nu basisna website, android katut IOS nu dikokolakeun ku BKPSDM Kabupaten Majalengka," ceuk Irfan.
SMART dilengkepan ku fitur-fitur husus nu bisa ngabantu ASN dina nampa layanan sarta informasi kabutuhan kamotekaran kualifikasi, kompetensi sarta kamotekaran karier.
"Sapertos kalengkapan data ASN, jabatan, nilai SKP, nilai IP ASN, TMT KGB, sakumna ASN tiasa ningal capaian kinerja sarta capaian IP ASN dumasar rekam jejak nu disimpen di lebet data base kepegawaian salaku sumber distribusi data kaperyogian layanan katut manajemen kepegawaian," ceuk Kadis BKSDM Irfan.
Bupati Majalengka Karna Sobahi, ngaapresiasi kudimedalkeunna SMART nu ngagancangkeun dina mekanisme pelayanan tata kelola ASN. " Inovasi dialpukahan ku BKPSDM ngaronjatkeun pelayana publik di lingkungan ASN Majalengka.
Dina acara eta oge dibagikeun buku judul "Orkertasi Birokrasi " nu ditulis ku Kepala BKPSDM Majalengka Dr. H. Irfan Nur Alam, SH, MH.*** Ayank
