GALURA -Bupati Ciamis, Herdiat Sunarya, nyebutkeun pamarentah Kabupaten Ciamis bakal ngabangun pusat Kesehatan masyarakat (Puskesmas) di Kecamatan Panjalu jeung di Kecamatan Cisaga.
Pangna ngadegkeun Puskesma anyar di eta dua kacamatan, ceuk Bupati Ciamis, lantaran widang kasehatan jadi prioritas utama, sarua jeung widang atikan.
Bupati Ciamis netelakeun hal eta waktu ngaresmikeun gedong anyar Puskesmas Kecamatan Ciamis di Jalan Jendral Sudirman, Kelurahan Sindangrasa, Kabupaten Ciamis (27/01/2023).
Baca Juga: Bohong Culik di Kuningan, Dhany : Masyarakat Ulah Waka Percaya Beja Nu Tacan Tangtu
“Kasehatan wajib diprioritaskeun ku pemerintah. Kitu deui atikan,” ceuk Bupati Ciamis.
Puskesmas anyar di Kelurahan Sindangrasa teh, ceuk Bupati Ciamis, wujud komitmen pamarentah Kabupaten Ciamis dina ngaronjatkeun pangladen kasehatan keur masarakat.
Bupati Ciamis meupeujeuhan ka para pagawe Puskesmas, kaasup ka dokrterna sangkan sahade-hadena dina ngaladenan masarakat.
Lian ti eta oge, ceuk Bupati, sakumna pagawe Puskesmas kudu milu miara bangunan jeung pasiltas sejenna.
Baca Juga: Masarakat Jatinangor Padet, Ateng : Tingtrim Alatan Aparat Surti Kana Potensi Masarakat
Fasilitas hade jeung nyumponan syarat, ceuk Bupati kudu dibarengan ku SDM nu hade: sopan jeung someah tepi ka masarakat sugema.
“Ku cara kitu dipiharep kualitas kasehatan masarakat leuwih ngaronjat,” ceuk Bupati Ciamis.***