Network
GALURA -Anis Jatisunda nyebutkeun taun 1972, Ayah Sacin ahli sastra bambu jeung panasehat puun Kampung Tangtu (Baduy jero) Cikeusik ngadongeng ngeunaan jaman “prahajian” Pakuan Pajajaran agama manehna “agama Sunda Pajajaran”, tandana maca “Sadat Sunda”.
Ceuk Anis Jatisunda, Ayah Sacin nyaritakeun di Cikeusik jeung di Kampung Tangtu sejenna oge di Badur Luar, ciri wargana ngagem agama Sunda Pajajaran ku maca atawa ngikrarkeun “Sadat Sunda”.
Harita ka Anis Jatisunda, ku Ayah Sacin digalantangkeun Sadat Sunda nu diucapkeun ku nganut agama Sunda Pajajaran sakuma nu sok diucapkeun ku urang Kampung Tangtu. Unina kieu:
Baca Juga: Ceuk Carita Parahyangan, Agama Sunda geus Diagem Samemeh Urang India Daratang
“Pun sadu Sadat Sunda, tuan katata tuan katepi, selam larang teu kasorang, tuan urang (H) aji Pakuan.” Sadat Sunda matuh diikrarkeun sataun sakali ku Urang Rawayan dina acara muja di Babalay Pamujaan “Sasaka Pada Ageung “.
Naon atuh hartina Sunda make disebut agama Sunda Pajajaran? Dina Pantun Bogor, ceuk Anis Jatisunda nerangkeun dina carita “Ngadegna Nagara Sunda” dina episode “Pakujajar Beukah Kembang” Sunda ngandung harti suci atawa nu nyampurnakeun.
Uger pantunna kieu “Harti Sunda teh suci, wareh nu nyampurnakeun“. Nyampurnakeun dina harti nu leuwih lega, babakuna dina lebah elmu jeung kabatinan.*** Luki M
