Network
GALURA.CO.ID -Genep urang pelukis ti komunitas seniman perupa Gradasi Kabupaten Bandung milu ngareuah-reuah event nasional Festival Art Tasik Syukuran Waktu 2 nu digelar tanggal 28-29 Desember 2023 di Jalan KH. Musthofa Kota Tasik.
Ketua Gradasi R Cahyadi nyebutkeun, pelukis nu milu ngareuah-reuah festival tèh, salian ti dirina tèh aya Heri Subari, Jajang S, Ahmad D Sofyan, Arief Aksa, katut Djarot Santosa.
Iwal ti Kabupaten Bandung, rea ogè seniman lukis nu ngareuah-reuah ieu acara. "Ti Garut, Ciamis, Jakarta, sareng Yogyakarta. Simkuring ti Gradasi Kanupaten Bandung diulem sareng diseleksi. Kaleresan nu 6 urang ti Gradasi Kabupaten Bandung lolos, " ceuk R Cahyadi via WA, Kemis 28 Desember 2023 peuting.
Iwal ti seni lukis, ieu acara ogè ceuk R Cahyadi direuah-reuah saniskara kasenian. "Aya Badawang, Barongsay, Raja Domba, Debus, Ebeg Kuda Lumping sareng nu sanesna. Wengi ayeuna pagelaran musik," ceuk Cahyadi. *** Sopandi
