Network
GALURA-Fakultas Keguruan dan Ilmu Pendidikan Universitas Kuningan (FKIP Uniku), kiwari ngalahirkeun mahasiswa jadi guru anu profesional, miboga sertifikasi pendidik, diistrenan di Aula Hotel Horison Tirta Sanita, Saptu, 24 Februari 2024.
Mahasiswa Uniku anu jadi nyangking sertifikat guru profesional , jumlahna 118 urang. Saméméhna maranéhna miluan program Profesi Guru (PPG) Angkatan 2 Kategori 1 Taun 2023.
Dekan Fakultas Uniku, Asep Jejen Jaélani, M.Pd, nyebutkeun mahasiswa anu réana sakitu lulus sabada miluan uji kompetensi mahasiswa (UKM) PPG. Ku éta hal maranéhna bisa ngalakonan pancén profesi minangka guru.
“Ku margi parantos miboga sertifikasi profesi guru nyaéta ngalangkungan program PPG, tangtos tiasa ngalakonan profesi minangka guru,” ceuk Asep Jéjén.
Direktur PPG Kemendikbudristek RI, Andika Ganendra, S.Si, M.M, nyebutkeun yén sistem PPG kiwari geus dihadéan pikeun mekarkeun sumber daya manus para guru. Ti mimiti seleksi nepika panarimaan.
Dina pembelajaran kurikulum PPG, ceuk Ganendra, dirararancang pikeun kapentingan mekarkeun kacerdasan émosional guru dina ngokolakeun pendidikan di kelas.
“Kompetensi sosial minangka kacerdasan émosional bisa mekar leuwih hadé batan kacerdasan kognitif, ” ceuk Andika.
