Network
GALURA -Siswa Madrasah Ibtidayah (MI) jeung siswa Madrasah Tsanawiyah (MTs) Al-Haq Margahayu Kabupaten Bandung lulus Munaqosah metode Ummi nu diayakeun tanggal 23-24 Mei 2023 di Madrasah Al Haq
Jumlah siswa nu lulus Munaqosah metode Ummi teh 115 urang. Diwisuda dina Khatmul Qur'an & Imtihan Metode Ummi Tartil, Tahfidz Juz 29 - 30 di Aula Madrasah Al Haq Jalan Manglid Margahayu, Kabupaten Bandung, Saptu (24/ 6/2023).
Khatmul Qur'an & Imtihan teh minangka laporan ti lembaga Madrasah Al Haq ka kolot nu nitipkeun budakna diajar Munaqosah metode Ummi. Ketua Yayasan nu oge Kepala MI Al-Haq Drs. Tarlan Rohendi, M. Pd. miharep naon nu geus disuprih ku siswa jadi bekel enggoning ngambah kahirupan.
Baca Juga: Sehati di KUA Cisarua, Gebyar Satu Juta Kuota Halal
"Margi upami teu didadasaran Al-Qur'an bakal sesah. Mungkin di antara siswa engkè aya nu janten pejabat atanapi pangusaha, ieu Qur'an janten dasar sareng janten ideologi, " ceuk Tarlan.
Tarlan nganuhunkeun ka nu jadi kolot barudak nu geus ngarojong boh ku moril boh materilna. "Mugia ieu janten do'a sepuh nu miharep murangkalihna janten jalmi soleh, janten generasi Qur'anj. Ku margi do'a nu ditampi di aherat kanggo sepuh tèh doa murangkalij nu soleh, " ceuk Tarlan.
Pembina Ummi Bandung Raya M. Ismail Noor nétèlakeun, samèmèh khatmul Qur'an aya 7 tahapan metode Ummi, di antarana ti mimiti taksin, taksis, sertifikasi, munaqosah, tug Khatmul Qur'an.
Ceuk M Ismail, metode Ummi aya jenjang tuluyna nyaèta khujuman, nerjemahkeun Al-qur'an, ti mimiti bacaan solat, do'a sapopoè nepi ka Al-Baqoroh, perkecap perkalimat tepi ka intisarina.
"Sakola nu tos ngagunakeun metode Ummi dugi ka danget ayeuna aya kana 114 lembaga, " ceuk M. Ismail. *** Sopandi
