GALURA – Sekolah Menengah Pertama (SMP) Roudlotul Ulum dina ketakna teh ngalaksanakeun pendidikan Islam terpadu.
Tarekah ngaronjatkeun hasil pangajaran peserta didik SMP Roudlotul Ulum dipiharep malar luyu jeung standar kalawan ngadumanisna kurikulum nasional jeung pasantren.
Dibarung udagan ngagumelarkeun SDM muslim nu mibanda ahlakul karimah sarta mandiri, SMP Roudlotul Ulum terus ngamekarkeun pendidikan nasional nu nyoko kana ajen pasantren.
Ku kituna, dina sakuma proses pangajaran di SMP Roudlotul Ulum, notog kana ihtiar ngagumelarkeun generasi Muslim nu iman, mundel elmuna, boga amal jeung ahlak hade, didasaran ku manhaj ahlussunnah wal jamaah.
SMP Roudlotul Ulum teh perenahna di lingkungan Ponpes Roudlotul Ulum, Kampung Cisasawi, Desa Cihanjuang, Kacamatan Parongpong, Kabupaten Bandung Barat.
Waktu dikolongan di pondokna, sawatara waktu kaliwat, sesepuh Ponpes Roudlotul Ulum, KH Ubaidillah AB, ngeceskeun, alhamdulillah sanggeus samemehna teh ngadeg pasantren, laju ngadegkeun oge diniyah.
Baca Juga: Kapolsek Sindangwangi Polres Majalengka, Binluh di SMAN 1 Sindangwangi
Ngadegna diniyah, salasahijina SMP Roudlotul Ulum, udaganana geusan ngigelan kamekaran jaman.
Anapon ngadumanisna kurikulum pendidikan nasional jeung pasantren, boga tujuan sangkan peserta didik mampuh milampah kahadean dibarengan ku wawasan kaelmuan reujeung teu weleh ngamekarkeun sarta ngalarapkeun ajaran Islam dina kahirupan sapopoe.
“Ngadumanisna pendidikan kurikulum nasional jeung pasantren teh dibarung usaha mateakeun sikep peserta didik pikeun leuwih mikanyaho, ngalenyepan, turta ngalarapkeun ahlakul karimah dina kahirupan sapopoe,” ceuk KH Ubaidillah.
Baca Juga: Bobotoh Persib taun 1960an, Persib Maen Kandang, di Limbangan Endog Hayam dina Sayang Ledis
Lian ti eta, nguniangkeun sumanget sakur peserta didik pikeun mibanda pola pikir ilmiah, kreatif, katut eksploratif.
Sedengkeun dina perkara ngamekarkeun kecerdasan emosional katut spiritual, eta boga tujuan malar dina jiwa peserta didik teh tumuwuh rasa miduli ka papada sasama.
Di SMP Roulotul Ulum aya rupaning kagiatan ekstrakurikuler seperti Pramuka, futsal, klub majalah dinding (mading), literasi-jurnalistik, penca silat, Paskibra, tilawah, tur remaja masjid.
Baca Juga: Seni Pantun Sunda keur Ngahornat Nyi Pohaci, Beda jeung Pantun Melayu
Tah, proses pangajaran di SMP Roudlotul Ulum dirojong ku fasilitas lapangan olahraga, ruang UKS, perpustakaan, lab komputer, sarta asrama pamondokan.
Ceuk KH Ubaidillah, mekelan peserta didik ku ajen-inajen tauhid sarta ajen sejenna nu luyu jeung ajaran Islam, eta teh minangka hal nu utama.
Ihtiar ngamekarkeun potensi SDM dimimitian tina pondasi pendidikan sagemblengna, nyaeta kaimanan, katakwaan, jeung ahlakul karimah.
Baca Juga: Ronggeng Gunung ti Banjarsari Kabupaten Ciamis, Balas Dendamna Dewi Siti Samboja ka Kala Samudra
“Eta ajen-inajen tumuwuh di sagedengeun pangawasaan elmu pangaweruh nu nyoko kana tujuan nyiar karidoan Allah SWT, tug tepi ka enya-enya jadi insan nu mangpaat pikeun agama, bangsa jeung nagara,” pok KH Ubaidillah AB. ***