Network
GALURA -Ti iraha mimitina Kawali jadi puseur Karajaan Galuh, tacan aya katerangan nu jentre. Bewarana di antarana dina Prasasti Kawali I jeung dina naskah Carita Parahyangan.
Prasasti Kawali I jeung Carita Parahyangan sarua ngadadarkeun tarekah Prabu Niskala Wastukancana nu ngabebenah dayeuh Kawali nu ayeuna jadi ngaran kacamatan jeung ngaran desa di Ciamis kaler.
Carita Parahyangan jeung Prasasti Kawali I, medar Prabu Niskala Wastukancana nu ngabebenah Kawali, nyieun parigi keur benteng puseur karajaan (Karajaan Galuh) sarta ngaalusan karaton, Karaton Surawisesa.
Dina Prasasti Kawali I nu pernahna di situs Sejarah Astana Gede, di Desa Kawali, Kecamatan Kawali, ditulis:
nihan tapa(k) kawali/ nu siya mulia tapa/ ina prabu Raja Wastu/mangadeg di kuta kawa/li nu mahayu na kadatuan/surawisesa nu marigi sa/kuliling dayeuh nu najur sakala desa.
Sajarawan Nugroho Susanto suwargi nyebutkeun katerangan ngeunaan saha rajana nu mindahkeun puseur pamarentahan Galuh ka Kawali tacan bisa dipastikeun kalayan jelas.
Prasasti Kawali I sacara teu langsung ngaembarkeun jaman Prabu Raja Wastu (Prabu Niskala Wastu Kancana) puseur Karajan Galuh di Kawali.
Baca Juga: Batu Kalde Tempat Disumarekeunana Prabu Linggawisesa, Pamingpin nu Kacida Mikanyaahna ka Rahayat
