Di Cirebon ngadegkeun karaton Pakungwati di Lemah Wungkuk. Pakungwati teh ngaran siwi Walangsungsang ti bojo lianna. Karatonna nyanghareup ngidul. Eta tanda Walangsungsang teu poho ka wiwitanana, ka Galuh jeung ka Pajajaran. Karaton Pakungwati ayeuna mah tinggal ruruntukna.
Tadina Cirebon jadi bawahan Pajajaran. Walangsungsang dibenum jadi panguasa wilayah oge ku Sri Baduga. Ngan sanggeus Cirebon dicangking ku Sunan Gunung Djati, bari meunang pangdeudeul ti Demak saterusna Cirebon misahkeun maneh ti Pajajaran. Malah ngarebut Sunda Kalapa ti Pajajaran.***