Kawah Putih Gunung Patuha Ciwidey Bandung, Karajaan Jin, Pabrik Walirang tepi ka Jadi Objek Wisata

Samèmèh anjog, kira-kira sababaraha ratus meter deui ka Kawah Putih, Kawah Putih teh bagèan ti kawasan hutan lindung Gunung Patuha nu lega sagemblengna 2.690,5 hektar, geus kaambeu bau walirang.

Baca Juga: Piknik ka Curug Cipanji di Desa Tenjolaya, Kecamatan Pasirjambu, Kabupaten Bandung, Nyeuseup Hawa Seger

Anjog ka kawah nu legana 25 hektare moal kaampeuh hayang popotrètan. Nu apal sajarahna jeung kungsi ngadèngè mitos sangetna bakal poho. Moal nyangka kawah nu kabentuk ti bituna Gunung Patuha dina abad ka-10 teh bisa katincak.

Di Kawah Gunung Patuha ayeuna diwangun darmaga ponton makè pelampung jeung tina bahan kai keur wisatawan nu hayang nyorang ka tengah-tengah kawah. Di salah sahiji sisi kawah katiten haseup ngebul kaluar tina lawang lava.

Sarè'atna lamun teu kapanggih ku Junghuhn, meureun nepi kiwari Kawah Putih tèh moal kakorèh potensina. Pangna disebut Kawah Putih, sabab kelir cai kawah jeung taneuhna bodas.

Ku Junghuhn dingaranan kawah Gunung Patuha lantaran ayana di Gunung Patuha. Ngaran Patuha cenah tina kecap Pa Tua (Sepuh), masarakat Rancabali-Ciwidey nganggap Gunung Patuha di Bandung kidul teh pangkolotna.***