Network
GALURA.CO.ID -Analis Pasar Hasil Perikanan Dinas Kelautan dan Perikanan (DKP) Provinsi Jawa Barat , Nurul Wulandari, ST. MT, nètélakeun, ampir kabèh lauk laut proteinna alus. Ngan nu jadi pasualan kumaha cara ngolahna.
Ceuk Nurul, mun seug ngala proteinna ku cara diolah kumaha waè; deuk digorèng atawa dibeuleum protèinna masih kènèh aya. Tapi, mun keur meunangkeun Omega 3-na digoreng mah ruksak. Jadi ukur beunang proteinna.
"Padahal salasawios mangpaat nu ageung tina lauk tèh Omega 3. Janten peryogi aya edukasi ka masarakat, nu saè cara ngolahna tèh dikukus atanapi dipais. Pais tèh itu salasawios budaya nu raket ti kapungkur. Tapi kumargi rada bangga prosesna, kedah ku daun nu danget ayeuna rupina rada sesah milarina , nya antukna masarakat tèh ngised cara ngolah lauk. Padahal dipais tèh salasawios nu pangsaena cara ngolah laukk. Proteinna kèngèng, kitu deui Omega 3-na, " ceuk Nurul Wulandari ka Galura waktu ditepungan di kantorna Jalam Wastukencana Bandung, Juma'ah, 23 Maret 2024.
Baca Juga: Komisi II DPRD Jabar: Komoditi Lauk Air Tawar Prospekna Hade
Salasahiji edukasi nu dilakukan ku Dinas Kelautan dan Perikanan Provinsi Jawa Barat: ngayakeun Bazar Ikan di sababaraha daerah. Pikeun di lelewek Dinas Kelatan dan Perikanan Provinsi Jawa Barat, dilaksanakan Bazar ikan saban poè Jumaah dina pekan kahiji di palataran kantor Dinas Kelautan dan Perikanan Propinsi Jabar.
Husus di bilan Romadon ayeuna, Bazar Ikan dillaksnaekun saban poè Juma'ah ti jam 7 tepi ka jam 2 beurang. Aya 2 Bazar: Bazar Dharma Wanita jeung Bazar Ikan sajumalah 24 stand nu midangkan lauk boh lauk atah boh kaolahanana. Nu aub dina bazar ieu ti sababaraha daerah.*** Sopandi
