GALURA- Bupati Bandung Dadang Supriatna nyebutkan, saban taun produksi perikanan di Kabupaten Bandung ngaronjat.
Ceuk Bupati Bandung produksi perikanan di Kabupaten Bandung dina taun 2022 ngahontal 15.896 ton, undak 3,17 persen ti taun 2021. Komoditasna tèh lauk nila, lele, katut lauk emas.
Bupati Bandung nètèlakeun ngeunaan produksi perikanan di Kabupaten Bandung dina sarasehan di Balai Benih Ikan Jalan Raya Ciparay-Pacet Desa Cikoneng Kecamatan Ciparay Kabupaten Bandung, Juma'ah (17/2/23).
Di Kabupatèn Bandung ceuk Dadang Supriatna aya 423 kelompok pembudidya lauk nu sumebar di 31 kecamatan kalawan jumlah rumah tangga perikanan (RTP) 7.632.
Bupati Bandung umajak ka para pangusaha jeung para patani lauk pikeun teu reureuh inovasi ku ngamangpaatkeun teknologi jeung lahan-lahan nu can produktif.
"Tapi peupeujeuh etep mirosèa lingkungan. Simkuring ngadukung ku tarèkah nyayagikeun indukan lauk unggul sareng binih nu saè, " ceuk Dadang Supriatna.
Bupati Dadang Supriatna miharep ka para kepala desa dina taun 2023 ayeuna jumlah RTP ti 7.632 bisa ngaronjat 100 persen.*** Sopandi