GALURA - Pasualan caah (banjir) Jalan Dengdek di Kecamatan Margahayu, Kabupaten Bandung, dikedalkeun ku Jajat Sudrajat, warga Desa Sayati kecamatan satempat dina reses anggota DPRD Kabupaten Bandung ti Fraksi PAN H. Tedi Supriadi.
"Sanaos sim kuring di Komisi A, sanès widang infrastruktur nu di Komisi C sareng reses di Desa Cangkuang Kulon, Kecamatan Dayeuhkolot, tapi da masih sadapil, Dapil 2. Mugia ieu tèh janten tren positif, " ceuk Tedi ka Galura satutas reses di hiji GOR di Desa Cangkulon, Rebo (15/2/2023).
Tedi boga pamanggih, ngeunaan caah Jalan Dèngdèk nu mingkin parah, pasualanana mah kari kumaha kadariaan pamangku kapentingan jeung pihak-pihak nu pakait.
Pasualan lintas kawenangan antara Provinsi Kabupaten, PUTR Provinsi/ Kabupaten, BBWS, ceuk Tedi, ngagugulung ieu mah moal manggih bongbolongan mun euweuh kadarian.***
Baca Juga: Enteh Jawa Asalna ti Jerman jeung Jepang, Mimiti Dipelakna di Kebun Raya Bogor jeung Cisurupan Garut
Baca Juga: Cek BMKG, Sing Iatna dina Usum Pancaroba, Biasana Aya Angin Lilimbungan Dibarung Hujan Gede