GALURA-Tilu imah di Lingkungan Pasapen 3 RT 7 RW 3 Kelurahan/Kecamatan/Kabupaten Kuningan, kaancam urug.
Sajaba Imah, urug ngancam Resto Kopeci , alatan walungan Cikentrungan urug, Rebo, (15/2/2023), wanci nyedek ka magrib.
Samemehna, hujan ngecrek ti mimiti tabuh 11.00 nepika 18.00 WIB.
Baca Juga: Di Kuningan, Tilu Gawir Urug, Aya Imah Nu Kaancam
Imah anu kaancam diantarana Imah bogana Dede (53), Eman (50) imah Oman (75).
Kepala Badan Pelaksana Penanggulangan Bencana Daerah (BPBD) Kabupaten Kuningan, Indra Bayu Permana, pihakna ngayakeun asesmen, ngadata penanggulangan urug.
“Kaperyogian darurat logistik, material bangunan. BPBD atos kordinasi sareng pihak-pihak sanes,” ceuk Bayu***