Network
GALIRA.CO.ID -Bupati Bandung, Dadang Supriatna, jeung rèngrèngan Organisasi Perangkat Daerah (OPD) Kabupaten Bandung ngalaksanakeun Rembug Bedas di 3 desa di Kecamatan Pangalengan, Salasa, 11 Juni 2024.
Tepi ka danget ayeuna, Bupati Bandung geus ngadongdon 131 desa tina 270 desa jeung 10 kelurahan di 31 kecamatan.
Tumorojogna Bupati Bandung dina ranraga nmageuhkeun silaturahmi, ngawadahan aspirasi masarakat dibarengan jeung mèrè bongbolongan pikeun ngawujudkeun Kabupaten Bandung Bedas.
Rembug Bedas di GOR Gelora Muda Desa Pangalengan, Kecamatan Pangalengan, Dadang Supriatna ngarèspon langsung naon-naon nu jadi aspirasi masarakat patali jeung ngaronjatkeun pangwangunan di Desa Pangalengan.
Komo deui Desa Pangalengan narima anggaran Rp4,6 milyar, tangtuna dina ngamangpaatkeunana bisa disawalakeun jeung masarakat di tingkat desa jeung RW.
Iwal ti kitu, Dadang Supriatna ogè ngungkabkeun pasualan runtah nu dihasilkeun ku 3,7 juta urang warga Kabupaten Bandung, dina sapoe saurangna bisa ngahasilkeun runtah 0,3 kilo. Inyana miharep ka masarakat sangkan ngokolakeun runtah ti imah mula.
Kawas Rembg Bedas memehna, harita ogè Bupati Bandung nyosialisasikeun 13 progran prioritas nu deuk diteuruskeun dina Bedas jilid ka-2, mun inyana unggul deui dina Pilkada.
Anu rek diteruskeun teh program insentif guru ngaji nu anggaran sataun Rp109 milyar, pinjaman dana teu bungaan sarta teu makè jaminan, jeung nu lianna.*** Sopandi
