Network
GALURA.CO.ID -Dina raraga ngarealisasikeun program kerja Tim Penggerak PKK jeung Dharma Wanita Persatuan Kabupaten Majalengka bareng jeung Tim Pengendalian Inflasi Daerah (TPID) Kabupaten Majalengka digelar Bazar Romadonn 1445 H/2024 M, tempatna di Lapangan GGM Majalengka, Rebo (27/03/2024).
Dibuka Pj Bupati Dedi Supandi nu kabejakeun bakal maju nyalon bupati Majalengka dina pilkada November 2024. Diluuhan ku unsur Forkopimda Kabupaten Majalengka, Sekda, Ketua Tim Penggerak PKK Kabupaten Majalengka katut anggota, Ketua Dharma Wanita Persatuan Kabupaten Majalengka katut anggota.
Anu sejenna: Asisten jeung Staf Ahli Bupati, Kepala OPD, Camat sa-Kabupaten Majalengka, Ketua Tim Penggerak PKK Kecamatan katut anggota sa-Kabupaten Majalengka, sakumna Pingpinan Pausahaan, Pingpinan Cabang Bank BJB Majalengka, tamu ondangan lianna sarta masarakat umum.
Baca Juga: Pj Bupati Majalengka Masrahkeun Sertifikat Tanah Program PTSL keur 2.900 Warga Kecamatan Malausma
Ketua Panitia Bazzar Romadon 1445 H. Diah Toto Prihatno, nyebutkeun Bazzar Peduli Romadon teh agenda rutin satiap taun. Salian syukuran Bulan Suci Ramadon oge mapag Hari Raya Idul Fitri 1445H. Bazzar Romadon implementasi program kerja PKK Dharma Wanita Persatuan Kabuipaten Majalengka.
"Tujuan dilaksanakeunana Bazzar Ramadhan ngabantos kaperyogian anggota PKK sarta anggota Dharma Wanita Persatuan sareng masarakat umum kana kaperyogian sembako kalayan harga anu relatif kahontal," ceuk Diah.
Stand peserta Bazzar Ramadhan 1445 H jumlah 78, di antarana: Dharma Wanita Persatuan unit OPD 32 stand, Tim Penggerak PKK Kecamatan sa-Kabupaten Majalengka 26 stand, DWP jeung PKK Kabupaten Majalengka 2 stand, Bulog, TPID, GOW, Unsur swasta/perorangan sajumlah 18 stand.
Pikeun barang-barang anu dipasarkeun di antarana sembilan bahan pokok nyaeta, beas, endog, minyak goreng, baju murah, hasil katerampilan anggota Dharma Wanita Persatuan, hasil produk olahan DWP jeung PKK Kab.Majalengka sarta produk lianna.
Baca Juga: Pj Bupati Majalengka Nampa Parelean Dansatgas TMMD 119 Kodim 0617/Majalengka
