Network
GALURA.CO.ID -Hasil Pemilu 14 Februari 2024, hasil pileg jeung pilpres, geus diumumkeun ku KPU. Najan kitu, Ketua Panwaslu Kecamatan Tanjungmedar Kabupaten Sumedang mibanda catetan husus ngeunaan lumangsungna pesta demokrasi lima taunan di wilayahna.
Dina siaran persna nu katarima ku Galura, Ketua Bawaslu Kecamatan Tanjungmedar, Ani Siti Maryani, SE nyebutkeun di TPS 3 Desa Jingkang saksi diintimidasi ku ketua TPS teu bisa asup ka lokasi, najan geus mawa surat tugas jeung sagala rupa sarat adiministrasi.
Ketua TPS 3 Desa Jingkang keukeuh nyaram saksi asup pikeun nyaksian lumangsungna pemungutan suara. Ahirna ieu pasualan dibawa ka tingkat desa. KPPS Dsa Jingkang sapamadegan jeung ketua TPS 3 Desa Jingkang, saksi tetep teu meunang asup.
Sacara normatif Ani Siti Maryani nu narah ngabejakeun saksi ti mana nu dilarang asup di TPS 3 Dersa Jingkang nyebutkeun ieu pasualan balukar miss communication.
Ani teu marelekeun naon nu ngalantarankeun miss communication teh. “Tiasa direngskeun di Panwascam,” pokna.*** Yaya Kuswaya
