Network
GALURA.CO.ID -Panwascam Tanjungmedar, Kabupaten Sumedang, Jawa Barat, dina nyanghareupan Pemilu 14 Februari 2024 teu weleh milampah tugas jeung pancenna luyu jeung undang-undang jeung palaturan turunana.
Ketua Panwascam Tanjungmedar, Ani Siti Maryani, SE, nyebutkeun anu dipilampah ku pihakna teh di antarana nalingkeun logistik keur Pemilu 14 Februari 2024. Di antarana nalingakeun pengepakan (packing jeung setting di KPU Sumedang.
Lian ti eta mocongok distribusi logistik ti gudang logistik kabupaten ka gudang logistik kecamatan, di GOR Desa Sukamukti, Kecamatan Tanjungmedar.
Baca Juga: Panwascam Tanjungmedar Kabupaten Sumedang Satekah Polah Aturan Kampanye Diestokeun
Saacan GOR Desa Sukamukti dipake Gudang logistik, ceuk Ani, Panwascam Tanjungmedar nitenan heula naha eta GOR teh payus dijadikeun Gudang. Sanggeus nyumponan sarat, Panwascam Tanjungmedar nyaluyuan.
“Panwascam Tanjungmedar jeung PKD aub dina nalingakeun logistic jeung distribusi logistic sacara maksimal supaya tepat jenis, tepat jumlah, tepat kualitas, tepat waktu jeung tepat sasaran,” ceuk Ani.
Ngeunaan jumlah TPS di Kecamatan Tanjungmedar, ceuk Ani, jumlahna 86, DPTna 20.685 ditambah 2 persen DPTb, jadi jumlah sagemblengna 21.114.*** Yaya Kuswaya
