Network
GALURA.CO.ID -Kebutuhan bahan pokok masyarakat (kepokmas) Kabupaten Bandung dipastilkeun aman di bulan Romadon tepi ka engkè Idul fitri 1445 H/ 2024 M.
Kituna ditètèlakeun Kepala Dinas Perindustrian dan perdagangan (Indag) Kabupaten Bandung, Dicky Anugrah dina lolongkrang nitènan Bazar Romadon di Komplek Perkantoran Pemda Kabupaten Bandung, di Soreang, Rebo, 27 Maret 2024.
"Stok kepokmas di Kabupaten Bandung aman, teu langka. Memang upami pangaos aya sababaraha komoditi nu undak, tapi trenna turun. Hartosna, pangaos bèas nu spesial sakilona kantos dugi Rp 18 rèbu, ayeuna sakilo tos Rp 15 rèbu. Kamari ogè tos dicek sareng dimonitoring langsung ku Menteri Perdagangan, Zul Kifli Hasan, ka Pasar Soreang " ceuk Dicky.
Dicky cumeluk ka masarakat Kabupaten Bandung sangan ulah hariwang. "Kepokmas aman, boh bèas boh sayur-sayuran. Masarakat teu kedah hariwang," pokna.*** Sopandi
