GALURA.CO.ID -Sekretaris DPRD Provinsi Jawa Barat Drs. H.Barnas Adjidin, MM, M.M.Pd diistrenan jadi Penjabat (Pj) Bupati Garut ku Pj Gubernur Jabar Bey Machmudin kalayan asma Presiden RI di Aula Barat Gedung Sate, Kota Bandung, Selasa (23/01/2024). Diluuhan ku anggota dewan jeung pajabat Gedong Sate.
Najan Barnas Adjidin geus diistrenan jadi Pj Bupati Garut ngaganti pasangan Bupati Garut Rudy Gunawan jeung Helmi Budiman nu geus purnabakti, tapi Barnas tetep nyekel kalungguhan Jabatan Pimpinan Tinggi Pratama: Sekretaris DPRD Jabar. Barnas ngajabat tepi ka rengse Pilkada taun 2024.
Barnas Adjidin teh ASN leubeut pangalamana di pamarentahan. Sememeh jadi Sekretaris DPRD Jabar, sababaraha kali nyekel kalungguhan jabatan penting di lingkungan pamarentah Provinsi Jabar. Barnas Adjidin lahir Bandung, 4 Juni 1965, jadi PNS taun 1990, kungsi jadi Sekretaris Dinas Sosial (Dinsos) Provinsi Jabar, Kepala Biro Kesra Setda Jabar.
Baca Juga: Kampanye Akbar di Tegalega, Anies: Tanggal 14 Pebruari Hari Perubahan
Malah kungsi ditugaskeun jadi Plt Sekretaris Daerah Kota Sukabumi. Tina kituna Barnas Adjidin bakal mampu ngajalankeun pamarentahan di Kabupaten Garut, kaasup dina nyuksesekeun Pemilu 2024, milih presiden jeung legislative.
Masarakat sakumna miharep Pemilu lumangsung lancar, luber, jujur, jeung man. Tina kituna Pj Bupati Garut, Barnas Adjidin kudu ngajaga netralitas ASN.***