Network
GALURA.CO.ID –Mun seug masarakat hayang harga sembako murah, lapangan pagawèan babari, atikan jeung kasehatan murah, kudu aya parobahan.
Kituna tèh ditepikeun calon presiden nomer urut 1 Anies Baswedan dina kampanye akbar di hareupeun rewuan massa kampanye Partai Nasdem, di Lapangan Tegallega Kota Bandung, Ahad , 28 Januari 2024.
Kampanye diluuhan Wakil Presiden ka-10 jeung ka-12 RI Jusuf Kalla, Wakil Ketua MPR RI Lestari Moerdijat, Sekjen NasDem, Hermawi F Taslim, katut Ketua Bapilu DPP NasDem Prananda Surya Paloh.
Baca Juga: Dialog Capres 2024 jeung PWI, Anies Baswedan: ‘Tong Méré Dahareun ka Buzzer’
Para pangurus DPP Partai NasDem, Ketua DPW Partai NasDem Jawa Barat Saan Mustafa katut pangurus, para anggota DPR RI, DPRD Provinsi, tur DPRD Kota Kabupaten, para caleg, kader, relawan tur para simpatisan oge daratang.
Ceuk Anies, tanggal 14 Pebruari 2024, tèh 'Hari Perubahan'. Rahayat Indonesia bakal nangtukeun arah parobahan bangsa ka leuwih hadè. Ceuk Anies, masarakat babarengan pikeun merjoangkeun parobahan, dimimitian ti Kota Perjuangan Bandung, supagi Indonesia adil makmur sakumna kahontal.
"Urang ayeuna ngalaman kaayaan ekonomi nu beurat. Ku margi kitu, hayu guyubkeun lèngkah kanggi parobahan," ceuk Anies.*** Sopandi
