Network
GALURA.CO.ID - Kapolres Majalengka Polda Jabar AKBP Indra Novianto, S.I.K., M.Si., CPHR ngaluuhan kunjungan kerja (kunker) Menteri Perhubungan, Dr. (H.C.) Ir. Budi Karya Sumadi , dina raraga ngaroris kasayagaan dioperasionalkeunana transportasi udara ti Bandara Husein Sastranegara ka Bandara Internasional Jawa Barat (BIJB) Kertajati, Kemis (18/10/2023).
.
Menteri Perhubungan katut rombongan ngararoris ka sababaraha area pentingi di BIJB. Di antarana: lante 3 keberangkatan internasional, check-in counter internasional, check-in counter domestik, lantte 2 ruang tunggu/boarding domestik, area tenant/toko/resto, sarta ngobrol jeung calon penumpang pesawat Air Asia rute Kertajati-Kuala Lumpur nu take off di jam 10.50 WIB.
Menteri Perhubungan katut rombongan oge ngaluuhan acara ngawangkong nu jejerna "Terbang Asik dari Kertajati" lumangsung di lantte 2 BIJB Kertajati. Tujuanana ngawanohkeun jeung ngapromisikeun pangalaman hiber nu ngagumbirakeun pikeun sakumna penumpang.
Baca Juga: Polres Majalengka Polda Jabar Ngungkab Tindak Pidana Korupsi Penyelewengan Dana Bantuan Koperasi
Kapolres Majalengka Polda Jabar, AKBP Indra Novianto, ngabageakeun Menteri Perhubungan sarta ngaapresiasi tarekah pikeun ngaronjatkeun pelayanan transportasi udara di wilayah Jawa Barat.
"BIJB Kertajati teh salasahiji sarana vital kangge daerah. Dioverna operasional ti Bandara Husein Sastranegara ka BIJB bakal janten tonggak penting dina ngamajengkeun sektor transportasi udara diieu wilayah," ceuk Kapolres Majalengka.
Dioperna operasional transportasi udara ti Bandara Husein Sastranegara ka BIJB Kertajati dijadwalkeun bakal dimimitian tanggal 29 Oktober 2023.
Sababaraha maskapai saperti Super Air Jet, Air Asia, jeungg Citilink bakal jadi bagian ti dioperna operasional Husen ka BIJB nu dipiharep masarakat sarugemaeun.*** Ayank Sambara
