Network
GALURA. CO.ID -Polres Majalengka Polda Jawa Barat ngungkab kasus tindak pidana korupsi diselewengkeunana dana bantuan pinjaman atawa pembiayaan ti Kementerian Koperasi dan Usaha Kecil Menengah (KUMKM) RI Taun 2013.
Bantuanana dikamalirkeun ku Lembaga Pengelola Dana Bergulir Koperasi dan Usaha Mikro, Kecil, dan Menengah (LPDB-KUMKM) gedena Rp500.000.000,- (lima ratus juta rupiah).
Ieu kasus diduga dipilampah ku MS Ketua Koperasi di wilayah Majalengka. "MS ngajengkeun proposal permohonan pinjaman/pembiayaan ageungna Rp500.000.000,- ka Direktur LPDB-KUMKM. Dana ieu sakedahna dialokasikeun kangge 170 anggota koperasi luyu sareng Daftar Definitif Penerima Dana LPDB-KUMKM," ceuk Kapolres Majalengka, AKBP Indra Novianto, Rebo (18/10/2023).
Baca Juga: Polres Majalengka Nyiapkeun Ratusan Personel keur Ngajaga Kaamanan Pemilu 2024
MS diduga ngagunakeun dana pinjaman pikeun kapentingan pribadi. Salian eta, diduga ngamanipulasi daftar nu narima dana. Karugian nagara nepi ka Rp500.000.000.
AKBP Indra Novianto nandeskeun Polres Majalengka Polda Jabar geus mariks saksi, saksi ahli, katut ngamankeun barang bukti nu Aya patalina jeung ieu kasus.
MS dieurad ku Pasal 2 Ayat (1), Pasal 3 jo Pasal 18 Ayat (1), Ayat (2), dan Ayat (3) Undang-Undang RI Nomor 31 Taun 1999 ngeunaan Pemberantasan Tindak Pidana Korupsi sebagaimana telah diubah dan ditambah dengan Undang-Undang RI Nomor 20 Tahun 2001 tentang Pemberantasan Tindak Pidana Korupsi.
MS bisa keuna ku hukuman paling enteng sataun, paling lila 20 (dua puluh) taun jeung/atawa denda paling saeutik Rp50.000.000,- sarta paling gede Rp 1.000.000.000,-".
Polres Majalengka bakal tuluy ngusud Ieu kasus nepi ka tuntas.*** Ayank Sambara.
