Network
GALURA,CO.ID -Upacara serah terima jabatan (sertijab) sababaraha pejabat di Polres Majalengka, Polda Jabar, lumangsung hidmat jeung pinuh sumanget di Lapangan Mapolres Majalengka, Jumaah (15/09/2023).
Kapolres Majalengka Polda Jabar, AKBP Indra Novianto, S.I.K., M.Si., mingpin langsung acara sertijab, nu bisa nangtukeun lengkah anyar dina ngaronjatkeun kinerja Polres Majalengka Polda Jabar.
Upacara sertijab diluuhan Wakapolres Majalengka Kompol Bayu Purdantono,S.I.K.,M.I.K, Pejabat Utama, Perwira, Kapolsek Jajaran Polres Majalengka katut Personil sarta ASN Polres Majalengka.
Baca Juga: Kasang Tukang Muhaimin Jadi Balon Wapres Anies Kawas Cai Ngamalir
Dina ieu sertijab, Kabag Sumber Daya Manusia (SDM) nu tadina dijabat ku Kompol Dadan Sudirman, S.H., M.H diserahterimakeun ka Kompol Kustadi, S.H. Kompol Dadan Sudirman, S.H., M.H., nuluykeun tugasna jadi Kabag SDM Polresta Bandung.
Kasat Lantas nu tadina dicangking ku AKP Ngadiman, S.Kom, dituluykeun ku AKP Mochammad Ali, S.H., MM nu memehna ngajabat Kanit Lantas Polsek Cimahi Selatan Polres Cimahi, Polda Jabar. AKP Ngadiman, S.Kom ayeuna ngajabat Kasat Lantas Polres Cirebon Kota Polda Jabar.
Kapolsek Jatiwangi dituluykeun ku Kompol Endang Kusnandar, S.H., M.H., nu memehna ngajabat Kabag Ops Polres Kuningan, Polda Jabar.
Kapolsek Cikijing nu tadina dijabat ku Kompol Romdani, S.H., kiwari dicepeng ku AKP Rudy Djunardi M, S.H., M.H., nu memehna ngajabat Kapolsek Sukahaji Polres Majalengka.
Kompol Romdani, S.H kiwari nuluykeun tugasna jadi Kasiaga 1 Bagdalops Roops Polda Jabar. Kapolsek Sukahaji dicangking ku AKP Erik Riskandar, S.H., nu memehna Kapolsek Ciwaringin di Polresta Cirebon.
