Network
GALURA.CO.ID - Sat Res Narkoba Polres Majalengka Polda Jabar, pikeun anu sakitu kalina ngungkab kasus narkotika jeung bat keras terbatas (OKT) nu matak guligah warga Majalengka.
Dina tarekah ngungkulan nerekabna narkotika jeung OKT di wilayah Kabupaten Majalengka Sat Res Narkoba Polres Majalengka ngamusnahkeun Barang Bukti (BB) narkotika jeung OKT, di pakarangan Sat Res Narkoba Polres Majalengka Kemis (31/8/2023).
Ngamusnahkeun BB narkotika jeung OKT di pakarangan Sat Res Narkoba Polres Majalengka dilaksanakeun ku Kapolres Majalengka Polda Jabar AKBP Indra Novianto, S.I.K., M.Si nu diwakilan ku Wakapolres Majalengka Kompol Bayu Purdantono, S.I.K., M.I.K.
Baca Juga: Satlantas Polres Majalengka Ngagelar Latkatpuan Pelatih PKS, sangkan Lalulintas Aman tur Tartib
Kasat Narkoba Polres Majalengka AKP Tatang Sunarya, S.E., M.H, wawakil Kodim 0617/Majalengka, Pengadilan Negeri Majalengka, Kejaksaan Negeri Majalengka, Dinas Kesehatan, Ketua PANI Majalengka, jeungKetua Kampung Narkoba oge ngaluuhan.
Anu diduga kalibet dina narkotika jeung OKT oge milu nyaksian. Kapolres Majalengka Polda Jabar AKBP Indra Novianto, nu diwakilan ku Wakapolres Kompol Bayu Purdantono, di konferensi pers netelakeun jumlah BB narkotika nu dimusnahkeun: sabu, 12,31 gram; daun ganja garing 5,59 gram, jeung; bako sintetis 42,88 gram.
OKT jumlahna 10.552 (sapuluh rebu lima ratus lima puluh dua) siki. Ngamusnahkeun BB dilakukeun ku cara ngancurkeun sacara pisik, saluyu jeung putusan Pengadilan Negeri Majalengka.
"Barang bukti nu dimusnahkeun nu tos ngantongan putusan Pengadilan Negeri Majalengka. Ieu teh lengkah penting dina ngaberantas peredaran narkotika oge obat-obatan bahaya," ceuk Kompol Bayu Purdantono.
Baca Juga: Sat Res Narkoba Polres Majalengka jeung Desa Kadipaten Nyosialisasikeun Bahaya Narkoba ku Mural
