Network
GALURA - Wabup Majalengka Tarsono D. Mardiana muka Musyawarah Kabupaten VI Kamar Dagang dan Industri Kabupaten Majalengka (Muskab VI Kadin Kabupaten Majalengka) Rebo, 31/05/2023, di Hotel Horison Kertajati.
Dina ieu Muskab VI Kadin Kabupaten Majalengka nu dibuka ku Wabup Majalengka teh oge diluuhan ku Ketua Kadin Jabar, Kapolres Majalengka, Forkopimda, Kadis PUTR, Kadis Perdagin, Kadis DKP3, Kabag Pembangunan, Kadin Kota Cirebon, Kadin Kabupaten Karawang jeung anggota Kadin Majalengka.
Dina biantarana samemeh muka Muskab VI Kadin Kabupaten Majalengka, Wabup Majalengka netelakeun Kadin sayatina teh kandaga tempat ngariung sakumna pangusaha enggoning nu silih bantuan, komunikasi, konsultasi jeung pamarentah pikeun kamajuan hiji daerah.
Baca Juga: DPD KNPI Kabupaten Majalengka Diistrenan, Ulah ukur Katempo dina Mieling Sumpah Pemuda
Pamarentah daerah, ceuk Wabup Majalengka, ngarojong dunya usaha di Kabupaten Majalengka sangkan tumuwuh sarta motekar supaya engkena mere hasil positip ka masarakat.
"Nalika dunya usaha tumuwuh kalayan hade, bakal aya lapangan padamelan nu lega supados tiasa ngaronjatkeun karaharjaan masarakat," ceuk Wabup Majalengka.
Ku ayana kawasan segitiga rebana nu diprogramkeun pamarentah pusat jeung provinsi, dipiharep bisa mere lolongkrang ka pangusaha lokal pikeun aub dina pangwangunan nu dilaksanakeun ku pamarentah.
"Kadin janten kandaga sakumna kangge merjoangkeun pengembangan usaha, supados usahawan lokal langkung guyub tur tanggoh," ceuk Wabup Majalengka.
Baca Juga: Hari Jadi Kabupaten Majalengka Dumasar Mitos jeung ukur Dilelebah
