Network
GALURA -Aya nu naek beca jeung naek sapeda ontel, waktu Bacaleg PKS (Partai Keadilkan Sejahtera) Majalengka keur Pemilu 2024 daptar ka Kantor KPU Majalengka (10/05/2023). Miangna ti kantor DPD PKS Jalan Abdul Halim, persisna ti Bunderan Munjul.
Jumlah beca jeung sapedahna dalapan, luyu jeung nomer PKS, 8. “Bacaleg PKS kangge Pemilu 2024 anu daftar ka KPU Majalengka, jumlahna 50 urang, luyu sareng kuota di 5 dapil, masing-masing dapil 10 jalmi, janten totalna 50 jalmi," ceuk Ketua DPD PKS Majalengka, Roni Setiawan (10/5/2023).
DPD PKS Majalengka teu ngadaptarkeun Bacaleg PKS keur Pemilu 2024 tanggal 8 Mei 2023. Karek dilaksanakeun tanggal 10 Mei 2023. "Kunaon tanggal 10 Mei ? Kumargi target PKS ddi DPRD Kabupaten Majalengka 10 korsi," ceuk Roni.
Baca Juga: Kabayan Ngalanglang Jaman (12): Teu Lipur tina Kasedih
Ti 50 urang Bacaleg PKS, 18 urang di antarana wanoja. “Ku kituna, kuota wanoja tos kacumponan. Bacaleg aya nu pangsiunan, milenial, pangusaha, kalebet incumbent,” ceuk Roni.
Unggal dapil targetna 2 korsi, jadi jumlah-jamlehn 10 korsi."Pamugi ieu janten formasi kangge PKS, siap mapag kunggulan Pemilu 2024 kalayan target 10 korsi," ceuk Roni.
Ngeunaan ngagunakeun beca katut sapedah nalika daftar, Roni nepikeun hal eta mibanda filosofi. Sapedah aya patalina jeung kasehatan, boh nu dipilih jeung nu dipilih kudu mibanda kasehatan lahir jeung batin.
"Lalampahan kana Pemilu 2024 kawilang nanjak. Upami dititenan ti DPD PKS eta radi nanjak sakedik. Ku kitun nalika naek sapedah meryogikeun kasabaran, sanaos kesang ngagarajag dugi ka kiwari. Kasabaran, konsistensi dina bagerak, teu benten urang ngaboseh sapedah," ceuk Roni.*** Ayank R Sambara
