Network
GALURA - Bupati Bandung Dadang Supriatna ngingetan, rumah sakit tèh sarana panglayan sosial, lain pikeun nyiar kauntungan.
Kituna téh ditepikeun ku Dadang Supriatna basa ngaresmikeun Rumah Sakit Umum Daerah (RSUD) Bedas Kertasari di Desa Sukapura Kecamatan Kertasari Kabupaten Bandung, Salasa (28/3/23).
Dadang Supriatna miharep, RSUD Bedas Kertasari gedè mangpaatna pikeun masarakat Kabupaten Bandung, hususna pikeun masarakat di Kecamatan Kertasari jeung Pacet.
RSUD ieu, numutkeun Dadang Supriatna, diadegkeun nyubadanan pameredih masarakat Kertasari jeung Pacet, sabab kacida jauh ka RS Baleendah jeung Majalaya.
Sejarah ngadegna RSUD Bedas Kertasari, basa Dadang Supriatna masih nyangking anggota DPRD Kabupaten Bandung dina taun 2017. Loba aspirasi masarakat nu perlu aya RS di Kertasari.
Baca Juga: Bupati Bandung Ngaresmikeun RSUD Bedas Cimaung
"Katambih deui sim kuring gaduh jangji politik ngawangun RS di Kertasari jeung Pacet," ceuk Dadang.
Pangayaan pagawè di RSUD Bedas Kertasari, ceuk bupati, bisa ku ngalihkeun PNS nu geus aya di Puskesmas ka RSUD Bedas Kertasari, jeung salila aya tanaga outsourching jeung tanaga ahli.
Kieuna tèh ,ceuk Bupati Bandung, sabab teu bisa rekrutmen pagawè poèan, patali can dicabut SK Kementerian nu bèak dina bulan Nopémber engkè
"Nu penting rumah sakit jalan heula. Kabutuhan askes, dipiharep tiasa saénggalna kacumponani pikeun pangaayan kaséhatan masarakat," pokna.*** Sopandi
Baca Juga: Pikeun Ngaronjatkeun Pangladen ka Warga, RSUD Kota Bandung Waragadna Rp 516 Miliar
